31 jeltoqsan men 1 qańtar aralyǵynda elimizdegi Beeline abonentteri 20,4 mln-ǵa jýyq SMS habarlama jóneltip, 1 716 992 saǵat sóılesken
ALMATY. 7 qańtar. QazAqparat /Názıra Eleýhan/ - Beeline abonentteri 31 jeltoqsan men 1 qańtar aralyǵynda 20,4 mln-ǵa jýyq SMS habarlama jóneltip, 1 716 992 saǵat sóılesti. Bul kórsetkish byltyrǵy jyldyń dál osy kúninen 18 paıyz, 2008 jyldan 50 paıyz artyq.
Bul týraly «KaR-Tel» JShS Qazaqstandaǵy Beeline kompanııasynyń baspasóz qyzmeti taratqan málimette aıtylǵan.
«Beeline jelisi Jańa jyl túni túsken kúshti laıyqty kóterdi», - dep málimdedi «KaR-Tel» JShS tehnıkalyq dırektory Tuńǵyshbek Battalhanov. Onyń aıtýynsha, jańa jyldyq merekedegi abonentterdiń mobıldi telefonmen sóılesý uzaqtyǵy byltyrǵy jyldyń kórsetkishterimen salystyrǵanda aıtarlyqtaı ósken.
«Kar-Tel» JShS qoǵammen baılanys jónindegi qyzmetiniń menedjeri Anar Jumaǵulovanyń aıtýynsha, kompanııa tehnıkalyq dırektsııasynyń Jańa jyldan buryn aldyn-ala júrgizgen daıyndyq jumysynyń arqasynda eshqandaı tosqaýyldar tirkelmegen.
