31 jeltoqsan kúni eń kóp neke qaı óńirde tirkeldi
ASTANA. KAZINFORM — «Azamattarǵa arnalǵan úkimet» memlekettik korporatsııasynyń baspasóz qyzmeti elde Jańa jyl qarsańynda qıylǵan neke týraly qyzyqty statıstıkany usyndy.
Jas jubaılardyń basym bóligi neke qııýdy este qalarlyq erekshe kúnderge josparlaıtyny jasyryn emes.
Osylaısha, 2025 jyldyń 31 jeltoqsan kúni barlyǵy 487 neke tirkeldi.
Jańa jyl qarsańynda neke tirkeý sany eń kóp bolǵan 5 óńir:
— Almaty qalasy — 68 jup
— Túrkistan oblysy — 61 jup
— Astana qalasy — 47 jup
— Jambyl oblysy — 37 jup
— Qaraǵandy oblysy — 30 jup
Kúntizbedegi osyndaı kúnder otbasyn qurýdy josparlaǵan azamattar arasynda dástúrli túrde joǵary suranysqa ıe bolyp keledi.
Aıta ketelik elde neke jasy ulǵaıyp, azamattyq neke kóbeıip keletini týraly jazǵan edik.
