31 jastaǵy Rýdnyı turǵyny tanysynyń basyn kesip tastaǵan
QOSTANAI.QazAqparat – Rýdnyıda ishimdik ishken 31 jastaǵy turǵyn tanysyn baýyzdap óltirgen. Qylmystyń anyq-qanyǵyn jýrnalıstermen ótken brıfıngide oblystyq polıtsııa departamentiniń bastyǵy Beket Aımaǵambetov aıtyp berdi, dep habarlaıdy QazAqparat.
Oqıǵa Rýdnyı qalasynda 3 jeltoqsan kúni bolǵan.31 jastaǵy er adam 68 jastaǵy tanysymen páterde ishimdik ishken. Munyń arty janjalǵa ulasyp 31 jastaǵy er adam jábirlenýshiniń moınyna pyshaq saldy.
«Jábirlenýshi alǵan dene jaraqaty saldarynan kóz jumdy. Qylmysker máıittiń basyn kesip tastap, oqıǵa ornynan qashyp ketken. Óltirilgen adamnyń týystary polıtsııaǵa habarlady. Dereý tájirıbeli qyzmetkerlerden jedel-tergeý toby quryldy. Biz kúdikti qashyp ketýi múmkin dep boljadyq, biraq polıtsııa qyzmetkerleriniń kásibıliginiń arqasynda ol ustaldy. Patrýldik polıtsııa qyzmetkerleri 22.00-den keıin kóshede júrgen mas adamdy baıqaıdy. Olar er adamnyń qolyna qan juqqanyn kóredi. Qylmysker ustalyp, keıinnen kinásin moıyndady», - deıdi Beket Aımaǵambetov.
Qazirgi ýaqytta osy derek boıynsha tergeý amaldary júrgizilýde.
Qostanaı oblysynda jyl basynan beri 500-den astam qylmys patrýldik polıtsııa qyzmetkerleriniń kómegimen ashyldy. Beket Aımaǵambetov sapaly jumys istegen qyzmetkerlerge syıaqy taǵaıyndaıtynyn aıtty.
