31 tamyz. Týǵan kún ıeleri

NUR-SULTAN. QazAqparat – QazAqparat 31 tamyzǵa arnalǵan «Týǵan kún ıeleri» kúntizbesin usynady.

ESІMDER

90 jyl buryn (1931-2018) Qazaqstannyń halyq ártisi Zámzágúl Núsipbaıqyzy ShÁRІPOVA dúnıege kelgen.

Almaty oblysy Jambyl aýdanynyń Uzynaǵash aýylynda týǵan. Almaty teatr ýchılışesin bitirgen. «Qazaqfılm» kınostýdııasy men Qazaq radıosynda jumys istedi. 1953 jyly Almatydaǵy Qazaq drama teatrynyń trýppasyna qabyldandy. «Meniń ákem kim» spektaklinde Laǵyldyń, Ǵabıt Músirepovtiń «Aqan seri-Aqtoqtysynda» - Aqtoqtynyń, Muhtar Áýezovtiń «Aıman-Sholpanynda» - Qaragózdiń jáne «Qaragózde» - Qaragózdiń, Sábıt Muqanovtyń «Shoqan Ýálıhanovynda» - Aıjannyń, Ýılıam Shekspırdiń «Otellasynda» - Dezdemonanyń jáne basqalarynyń rólderin somdady. Fılmderdi qazaq tiline dýblıaj jasaýǵa qatysty, radıoda kórkemsóz oqý sheberi boldy. «Ójet qyz» fılminde - Nurjamal, «Biz osynda turamyz» fılminde - Dına, «Ómir jolynda» - Hadısha, «Abaı» telefılminde - Qarlyǵash rólderin ekranǵa shyǵardy. Máskeýdegi qazaq ádebıeti men óneriniń onkúndigine qatysty. «Qurmet belgisi» jáne «Halyqtar dostyǵy» ordenderimen marapattalǵan.

65 jyl buryn (1956) Á. Qasteev atyndaǵy Qazaqstan Respýblıkasynyń memlekettik óner mýzeıiniń basshysy Gúlmıra Kenjebolatqyzy ShALABAEVA dúnıege keldi.

Almaty qalasynda týǵan. Qazaq. S.M. Kırov atyndaǵy Qazaq memlekettik ýnıversıtetin (1978), jýrnalıst; Qazaqstannyń ǴA Ádebıet jáne óner ınstıtýtynyń aspırantýrasyn bitirgen (1986). Fılosofııa ǵylymdarynyń doktory (1997). QR Áleýmettik ǵylymdar akademııasynyń múshesi-korrespondenti (1999). «Ulys. Mádenıet. Sana sezim» (1995), «Mádenıetti uǵyný: Qazaqstannyń dúnıetanymdyq paradıgmalary jáne tarıhı realıleri» (2001), «Qazaqstan: mádenı saıasattyń evolıýtsııasy» (2002), «Evgenıı Sıdorkın. Kórkemdik tásildiń ontologııasy» (2005), «Mádenıet: alasapyran men tártip arasynda» (2006), «Qazaqstan: ejelgi órkenıetten qazirgi zamanǵa deıin» (2007), «Eýrazııalyq beıneleý óneri prızmasy arqyly» (2010), «Óner entsıklopedııasy» (2010) kitaptarynyń avtory. «Gúlfaırýs Ismaılova. Keskindeme jáne teatr-dekoratsııalyq óneri» (2000), «Qazaqstannyń ǵasyrlar toǵysyndaǵy beıneleý óneri» (2000), «Shynaıylyqtyń qyrlary» (2004), «Qazaq órneginiń ǵaryshy» (2008) kórkem albomdarynyń baspageri. 1978 jyldan - QazSSR Memkıno bas redaktory. 1983 jyldan - Qazaqstan ǴA Ádebıet jáne óner ınstıtýtynyń aspıranty. 1986 jyldan - pedagogıkalyq ǵylymdar ǴZI aǵa ǵylymı qyzmetkeri. 1991 jyldan - QR jastar isi boıynsha Memlekettik komıtetiniń jetekshi mamany. 1993 jyldan - Abaı atyndaǵy Almaty memlekettik ýnıversıtetiniń aǵa oqytýshysy. 1997 jyldan - Qazaqstan ǴA Fılosofııa ınstıtýtynyń bas ǵylymı qyzmetkeri. 1998 jyldan beri - «OıÝ» kórkem galereıasynyń dırektory. 2009 jyldan beri - T. Júrgenov atyndaǵy Qazaq ulttyq óner akademııasynyń beıneleý óneri teorııasy jáne tarıhy kafedrasynyń professory. 2014 jyldyń qarashasynan beri qazirgi qyzmetinde.

Sh. Ýálıhanov atyndaǵy syılyqtyń laýreaty (2001). «Qazaqstan Respýblıkasynyń táýelsizdigine 10 jyl» medalimen marapattalǵan. Qazaqstannyń Eńbek sińirgen qaıratkeri.

59 jyl buryn (1962) QR Parlamenti Májilisiniń Tóraǵasy Nurlan Zaırollauly NYǴMATÝLIN dúnıege keldi.

Qaraǵandy qalasynda týǵan. Qaraǵandy polıtehnıkalyq ınstıtýtyn bitirgen. Saıası ǵylymdar doktory. Instıtýt bitirgennen keıin «Qaraǵandyoblgaz» óndiristik birlestigi avtokolonnasynyń ınjeneri, bastyǵy bolyp jumys istegen. 1985-1990 jyldary Qazaqstan LKJO Lenın aýdandyq komıtetiniń birinshi hatshysy, Qazaqstan LKJO OK komsomol uıymdary bólimi meńgerýshisiniń orynbasary, Qazaqstan LKJO Qaraǵandy oblystyq komıtetiniń hatshysy, birinshi hatshysy boldy. 1990-1993 jyldary - Qazaqstan jastar uıymdary komıtetiniń tóraǵasy. 1993-1995 jyldary - «Tengrı» qazaq-amerıkan birlesken kásipornynyń prezıdenti. 1995-1999 jyldar aralyǵynda - Prezıdent Ákimshiligi Uıymdastyrý-baqylaý bóliminiń memlekettik ınspektory, bólim meńgerýshisiniń orynbasary. 1999-2002 jyldary - Astana qalasy ákiminiń orynbasary. 2002-2004 jyldar aralyǵynda - Qazaqstan Respýblıkasynyń kólik jáne kommýnıkatsııa vıtse-mınıstri. 2004-2006 jyldar aralyǵynda - Qazaqstan Respýblıkasy Prezıdenti Ákimshiligi Basshysynyń orynbasary. 2006-2009 jyldar aralyǵynda - Qaraǵandy oblysynyń ákimi. 2009-2012 jyldar aralyǵynda - «Nur Otan» Halyqtyq Demokratııalyq partııasy Tóraǵasynyń birinshi orynbasary. 2012-2014 jyldar aralyǵynda besinshi saılanǵan Qazaqstan Respýblıkasy Parlamenti Májilisiniń Tóraǵasy, «Nur Otan» HDP-nyń Parlament Májilisindegi parlamenttik fraktsııasynyń jetekshisi. 2014-2016 jyldar aralyǵynda Qazaqstan Respýblıkasy Prezıdenti Ákimshiliginiń Basshysy.

2016 jyldyń maýsym aıynan beri - qazirgi qyzmetinde. «Nur Otan» partııasynyń Parlament Májilisindegi parlamenttik fraktsııasynyń jetekshisi.

«Qurmet» (2004), II dárejeli «Barys» (2009) ordenderimen, «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasy Konstıtýtsııasyna 10 jyl» (2006) merekelik medaldarymen jáne ózge medaldarmen marapattalǵan.

59 jyl buryn (1962) memleket jáne qoǵam qaıratkeri, ekonomıst, zańger Erlan Zaırollauly NYǴMATÝLIN dúnıege keldi.

Qaraǵandy qalasynda týǵan. Qaraǵandy kooperatıvtik ınstıtýtyn ekonomıst, Reseı-Qazaqstan Qazirgi zamanǵy Gýmanıtarlyq ýnıversıtetin zańger mamandyqtary boıynsha bitirgen. Ekonomıka ǵylymdarynyń kandıdaty. QR Parlamenti Májilisiniń II - III - IV shaqyrylymynyń depýtaty boldy. QR Parlamenti Májilisiniń III - IV shaqyrylymynda Ekologııa máseleleri jáne tabıǵat paıdalaný komıtetiniń tóraǵasy bolyp saılanǵan. Táýelsiz Memleketter Dostastyǵy Parlamentaralyq Assambleıasynyń múshesi, Amerıka Qurama Shtattary Kongresimen, Ázerbaıjan Respýblıkasy Mıllı Medjılısimen (Ulttyq Jınalysy) yntymaqtastyq tobynyń múshesi. «Qurmet» (2006), TMD PAA «Sodrýjestvo» (2008) ordenderimen, bes medalmen, sonyń ishinde «Shapaǵat» (2001) medalimen marapattalǵan. Reseı Federatsııasy Memlekettik Dýmasynyń Qurmet gramotasymen marapattalǵan.

47 jyl buryn (1974) Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory Marat Nesipqalıuly IǴALIEV dúnıege keldi.

Atyraý oblysynda týǵan. K.Jubanov atyndaǵy Aqtóbe pedagogıkalyq ınstıtýtyn, QR Prezıdenti janyndaǵy memlekettik akademııa, Almaty ekonomıka jáne statıstıka ınstıtýtyn támamdaǵan. Saıası ǵylymdar kandıdaty. Memlekettik qyzmettegi eńbek jolyn 1999 jyly QR Qaýipsizdigi Keńesi ortalyǵynda sarapshy bolyp bastady. 2003-2009 jyldary aralyǵynda Aqtóbe oblysy ákimi apparatynyń basshysy, QR Prezıdenti Ákimshiliginiń memlekettik baqylaý jáne uıymdastyrý bóliminde bas ınspektor, QR Qorshaǵan ortany qorǵaý mınıstriniń keńesshisi, QR Qorshaǵan ortany qorǵaý mınıstrligi Ekologııalyq retteý komıteti tóraǵasynyń orynbasary laýazymdarynda boldy. QR Indýstrııa jáne saýda mınıstrligi Saýda komıteti tóraǵasynyń orynbasary, QR Indýstrııa jáne jańa tehnologııalar mınıstriniń keńesshisi, QR Indýstrııa jáne jańa tehnologııalar mınıstrligi Atom energııasy komıteti tóraǵasynyń orynbasary, QR Indýstrııa jáne jańa tehnologııalar mınıstrligi Ákimshilik-kadr jumysy departamentiniń dırektory, QR Indýstrııa jáne jańa tehnologııalar mınıstrligi Týrızm ındýstrııasy komıtetiniń tóraǵasy qyzmetterin atqardy. QR Investıtsııalar jáne damý mınıstri kadr jumysy jáne týrızm ındýstrııasy departamentin basqardy. «Kazkontent» AQ tóraǵasynyń orynbasary qyzmetinde boldy. 2017-2018 jyldary Aqmola oblysy ákiminiń týrızm jónindegi keńesshisi boldy. 2018-2020 jyldary Aqmola oblysy ákiminiń orynbasary qyzmetin atqardy.

Qazirgi qyzmetinde – 2020 jyldyń aqpanynan.

43 jyl buryn (1978) QR Aqparat jáne qoǵamdyq damý mınıstrligi Memleket pen qoǵam kommýnıkatsııalaryn damytý departamentiniń dırektory Bekzat Rahımuly RAHIMOV dúnıege keldi.

2000 jyly D. Serikbaev atyndaǵy Shyǵys Qazaqstan tehnıkalyq ýnıversıtetin, 2007 jyly Máskeý memlekettik ekonomıka ýnıversıtetin (statıstıka jáne ınformatıka), 2010 jyly Qazaqstan Respýblıkasy Prezıdenti janyndaǵy Memlekettik basqarý akademııasyn támamdaǵan. Eńbek joly: 2000-2003 jyldary - Shyǵys Qazaqstan oblysy ákimdiginiń qyzmetkeri. 2003 jyly «Shyǵys jobasy» QQ jastar baǵdarlamalarynyń atqarýshy dırektory 2003-2008 jyldary - Astana qalasynyń ákimdiginde ártúrli laýazymdarda qyzmet atqardy. 2008-2010 jyldary - Qazaqstan Respýblıkasy Mádenıet jáne aqparat mınıstrligi Strategııalyq josparlaý jáne taldaý departamenti dırektorynyń orynbasary. 2010-2011 jyldary - Shyǵys Qazaqstan oblysy ákiminiń bas ınspektory, baspasóz hatshysy. 2014 jyly - Baılanys jáne aqparat agenttigi Aqparattyq keńistikke monıtorıng júrgizý jónindegi departament dırektorynyń orynbasary. 2014-2016 jyldary - Qazaqstan Respýblıkasy Investıtsııalar jáne damý mınıstrligi Baılanys, aqparattandyrý jáne aqparat komıteti BAQ-ty baqylaý basqarmasynyń basshysy. 2016-2018 jyldary QR Aqparat jáne kommýnıkatsııalar mınıstrligi BAQ salasyndaǵy memlekettik saıasat departamenti dırektorynyń orynbasary, 2018-2019 jyldary QR Aqparat jáne kommýnıkatsııalar mınıstrligi BAQ salasyndaǵy memlekettik saıasat departamentiniń dırektory bolǵan. 2019-2020 jyldary QR Aqparat jáne qoǵamdyq damý mınıstrligi Aqparatqa qoljetimdilik salasyndaǵy memlekettik saıasat departamentiniń dırektory

Qazirgi qyzmetinde – 2020 jyldyń mamyrynan.