31 tamyz. Tulǵalar týǵan kún
Búgin, 31 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
59 jyl buryn (1966) Narhoz ýnıversıtetiniń quqyq jáne memlekettik basqarý mektebiniń dırektory Talǵat Esenáliuly SÁRSENBAEV dúnıege keldi.
Stepnogorsk qalasynda týǵan. KSRO ІІM Qaraǵandy joǵary mektebin bitirgen, zańger (1987); Nazarbaev Ýnıversıtetiniń Joǵary Bıznes mektebiniń Executive MBA baǵdarlamasy boıynsha Dıýk Ýnıversıtetiniń Fýkýa Bıznes mektebimen birlesken baǵdarlama, basshylarǵa arnalǵan iskerlik ákimshilendirý magıstri (2015). Zań ǵylymdarynyń doktory, professor.
Eńbek joly: Metallýrgııa aýdandyq ishki ister bóliminiń tergeýshisi, Temirtaý qalalyq ІІB tergeý bóliminiń bastyǵy (1987-1990); Qazaqstan Respýblıkasy ІІM Qaraǵandy zań ınstıtýtynyń oqytýshy, aǵa oqytýshy, qylmystyq is júrgizý kafedrasy bastyǵynyń orynbasary, No8 arnaıy bólim bastyǵy, qylmysty tergeýdi uıymdastyrý bóliminiń bastyǵy (1990-2002); Qazaqstan Respýblıkasy Prezıdentiniń Qazaqstan Respýblıkasy Parlamentindegi ókildiginiń bas sarapshysy (2002-2003); Qazaqstan Respýblıkasy Parlamenti Senaty Apparatynyń bólim meńgerýshisiniń orynbasary, bólim meńgerýshisi (2003-2007); Qazaqstan Respýblıkasy Parlamenti Senaty Apparaty meńgerýshisiniń orynbasary (2007-2009); Qazaqstan Respýblıkasy Bas Prokýrorynyń erekshe tapsyrmalar jónindegi aǵa kómekshisi (2009-2010); Qazaqstan Respýblıkasynyń Reseı Federatsııasyndaǵy Elshiliginiń keńesshisi (2010-2011); Qazaqstan Respýblıkasy Parlamenti Senaty Apparatynyń meńgerýshisi (2011-2012); «Samuryq-Qazyna» AQ quqyqtyq máseleler jónindegi basqarýshy dırektory, «Samuryq-Qazyna» AQ Basqarma múshesi (2012-2016); Qazaqstan Respýblıkasy Premer-Mınıstri Keńsesi Basshysynyń orynbasary – Úkimettiń Qazaqstan Respýblıkasy Parlamentindegi ókili (2016-2019); Almaty qalasy ákimi apparatynyń basshysy (2019-2022); Kaspıı ýnıversıtetiniń Qoǵamdyq quqyq ǵylymı-zertteý ınstıtýtynyń dırektory (2023).
2023 jyldyń shilde aıynan beri qazirgi qyzmetinde.
54 jyl buryn (1971) Qazaqstan Respýblıkasy Parlamenti Májilisiniń depýtaty, Qazaqstan Respýblıkasy Prezıdenti janyndaǵy Ulttyq Quryltaıdyń múshesi Amanjol Dúısenbaıuly ÁLTAI dúnıege keldi.
Ulytaý oblysy Jańaarqa aýdanynda týǵan. Qaraǵandy memlekettik ýnıversıtetin «fılolog» mamandyǵy boıynsha bitirgen (1993). Fılologııa ǵylymdarynyń doktory, professor.
Eńbek joly: E.A. Bóketov atyndaǵy Qaraǵandy memlekettik ýnıversıtetiniń qazaq ádebıeti kafedrasynyń oqytýshysy (1993-2000); L.N.Gýmelev atyndaǵy Eýrazııa ulttyq ýnıversıtetiniń qazaq jáne shetel ádebıeti kafedrasynyń aǵa oqytýshysy (2000-2005); EUÝ qazaq jáne shetel ádebıeti kafedrasynyń dotsenti (2005-2014); L.N.Gýmelev atyndaǵy Eýrazııa ulttyq ýnıversıtetiniń professory (2014); VII saılanǵan Qazaqstan Parlamenti Májilisiniń «Amanat» partııasynan depýtaty (2022-2023).
2023 jyldyń naýryz aıynan beri qazirgi qyzmetinde.
«Qurmet» ordenimen marapattalǵan (2019); Ybyraı Altynsarın (2015), halyqaralyq TÚRKSOI uıymy (2016), Qazaqstan Respýblıkasynyń Táýelsizdigine 10 jyl (2001), Qazaqstan Respýblıkasynyń Táýelsizdigine 25 jyl (2016), Astananyń 20 jyldyǵy (2018) medaldarymen marapattalǵan.
51 jyl buryn (1974) Qazaqstan Respýblıkasy Qaýipsizdik Keńesi Áskerı qaýipsizdik jáne qorǵanys bóliminiń bastyǵy Marat Maqsutuly AIMAShEV dúnıege keldi.
Slavıansk-na-Kýban qalasynda (Reseı Federatsııasy) týǵan. Almaty joǵary qurama qarý-jaraq komandalyq ýchılışesin «Brondy jáne avtokólik tehnıkasyn paıdalaný ınjeneri» mamandyǵy boıynsha bitirgen (1995); Ulttyq qorǵanys ýnıversıteti, «Jedel-taktıkalyq basqarý» magıstratýrasyn bitirgen (2008).
Eńbek joly: Qazaqstan Respýblıkasy Qarýly Kúshteri Bas shtaby Strategııalyq josparlaý departamenti basqarma bastyǵynyń orynbasary; Bas shtab bastyǵynyń orynbasary – Qazaqstan Respýblıkasy Qarýly Kúshteri Qurlyq áskerleriniń Joǵarǵy Bas qolbasshysy dırektsııasynyń Bas shtaby Jedel basqarmasynyń bastyǵy; Óńirlik qolbasshylyq qolbasshysynyń birinshi orynbasary – «Astana» óńirlik qolbasshylyǵy Bas qolbasshy dırektsııasynyń shtab bastyǵy (2016); Qazaqstan Respýblıkasy Qarýly Kúshteri Bas shtaby Strategııalyq josparlaý basqarmasynyń bastyǵy (2021-2022); Qazaqstan Respýblıkasy Qarýly Kúshteri Bas shtaby Jedel josparlaý basqarmasynyń bastyǵy (2022-2024).
2024 jylǵy qańtar aıynan bastap qazirgi qyzmetinde. General-maıor (2019).
«Aıbyn» (2018), II dárejeli «Dańq» (2023) ordenderimen marapattalǵan.
94 jyl buryn (1931-2018) Qazaqstannyń halyq ártisi Zámzágúl Núsipbaıqyzy ShÁRІPOVA dúnıege kelgen.
Almaty oblysy Jambyl aýdanynyń Uzynaǵash aýylynda týǵan. Almaty teatr ýchılışesin bitirgen. «Qazaqfılm» kınostýdııasy men Qazaq radıosynda jumys istedi. 1953 jyly Almatydaǵy Qazaq drama teatrynyń trýppasyna qabyldandy. «Meniń ákem kim» spektaklinde Laǵyldyń, Ǵabıt Músirepovtiń «Aqan seri-Aqtoqtysynda» - Aqtoqtynyń, Muhtar Áýezovtiń «Aıman-Sholpanynda» - Qaragózdiń jáne «Qaragózde» - Qaragózdiń, Sábıt Muqanovtyń «Shoqan Ýálıhanovynda» - Aıjannyń, Ýılıam Shekspırdiń «Otellasynda» - Dezdemonanyń jáne basqalarynyń rólderin somdady. Fılmderdi qazaq tiline dýblıaj jasaýǵa qatysty, radıoda kórkemsóz oqý sheberi boldy. «Ójet qyz» fılminde - Nurjamal, «Biz osynda turamyz» fılminde - Dına, «Ómir jolynda» - Hadısha, «Abaı» telefılminde - Qarlyǵash rólderin ekranǵa shyǵardy. Máskeýdegi qazaq ádebıeti men óneriniń onkúndigine qatysty.
«Qurmet belgisi» jáne «Halyqtar dostyǵy» ordenderimen marapattalǵan.