31 shilde. Kazinform kúntizbesi. Tulǵalar týǵan kún

ESІMDER

71 jyl buryn (1955) Halyqaralyq PEN-klýbtyń qazaqstandyq bólimshesiniń prezıdenti Bıgeldi Qaıyrdosuly ǴABDÝLLIN dúnıege keldi.

Aqmola oblysy, Makınka aýdany, Qystaý Qaraǵaı aýylynda týǵan. Qazaq memlekettik ýnıversıtetiniń jýrnalıstıka fakýltetin bitirgen (1981), Máskeýdegi Gorkıı atyndaǵy Ádebıet ınstıtýtyn aıaqtaǵan (1991).

1980–1983 jyldary «Lenınskaıa smena» (qazirgi «EkspressK») gazetinde tilshi, ádebı birlestik jetekshisi, Qazaqstan LKJO OK janyndaǵy respýblıkalyq jastar shyǵarmashylyǵy birlestigi tóraǵasynyń orynbasary, 1983–1985 jyldary «Kazahstanskaıa pravda» gazetinde tilshi, 1985–1989 jyldary Qazaqstan Jazýshylar odaǵynda ádebı keńesshi, kórkem ádebıetti nasıhattaý bıýrosy dırektorynyń orynbasary, 1997 jyldan shyǵa bastaǵan «HHІ vek» gazetiniń bas redaktory boldy.

Alǵashqy «Tańdaý» atty áńgimesi 1981 jyly «Stýdencheskıı merıdıan» jýrnalynda jarııalandy. Shyǵarmalaryn orys tilinde jazady. «Ómirdi túsinýge qushtarlyq» (1983), «Janymyzdan tazalyq arylmasyn» (1983), «Ǵasyrlarǵa sanamyz saıahattap» (1985), «Táýbege kelý» (1986), «Tarıh pen tarıhılyq» (1990), t. b. eńbekteri jaryq kórdi. Ǵ.Músirepovtiń, Á.Ábishevtiń, T.Kákishevtiń, S. Berdiqulovtyń birqatar maqalalary men áńgimelerin, sondaıaq H.Raqymovtyń «Seńgir syrlary» trılogııasynyń eki kitabyn (1987, 1989), T.Jurtbaevtyń «Alyp tulǵa» derekti povesin (1991), Q.Jumadilovtyń «Atameken» romanyn (1992) orys tiline aýdardy. «Rejım ı soprotıvlenıe» (2001), «Sereznyı razgovor» (2008) kitaptarynyń avtory. 2001–2004 jj. AQShtaǵy «Vashıngton post», «Vashıngton taıms» basylymdarynda maqalalary jarııalanǵan.

«Qurmet» ordenimen, «Astananyń 10 jyldyǵy» medalimen marapattalyp, Qazaqstan Respýblıkasy Prezıdentiniń syılyǵyn alǵan.

63 jyl buryn (1963) Qazaqstan Respýblıkasy Joǵarǵy sotynyń sýdıasy Valerıı Vladımırovıch NOZDRIN dúnıege keldi.

Almatyda týǵan. 1986 jyly S. M. Kırov atyndaǵy Qazaq memlekettik ýnıversıtetin támamdaǵan.

Eńbek joly: 1980-1981 jyldary V. I. Lenın atyndaǵy Qazaq polıtehnıkalyq ınstıtýtynyń laboranty, 1986-1987 jyldary Almaty qalasy Máskeý aýdandyq prokýratýrasynyń bos turǵan tergeýshi qyzmetiniń taǵylymgeri, tergeýshisi, 1989-1990 jyldary Almaty qalasy Máskeý aýdandyq prokýratýrasynda aǵa tergeýshi, prokýrordyń aǵa kómekshisi, kómekshi, 1990-1991 jyldary Almaty qalalyq prokýratýrasy tergeý bóliminiń prokýrory, 1991-1992 jyldary Qazaq SSR prokýratýrasy sot úkiminiń zańdylyǵyn baqylaý basqarmasynyń prokýrory, 1992-1995 jyldary Almaty qalasy advokattar alqasynyń múshesi, 1995-1997 jyldary Almaty qalasy Sovet aýdandyq sotynyń sýdıasy, 1997-2000 jyldary Almaty qalalyq sotynyń sýdıasy laýazymyn atqardy.

2000 jyldyń maýsym aıynan bastap qazirgi qyzmetinde.

48 jyl buryn (1978) QR SIM Tehnıkalyq retteý jáne metrologııa komıteti tóraǵasynyń orynbasary-ádep jónindegi ýákil Baýyrjan Tólegenuly QASYMOV dúnıege keldi.

Qaraǵandy oblysynda týǵan. 2001 jyly «Bolashaq» Qaraǵandy ózekti bilim berý ınstıtýtyn «Quqyqtaný» mamandyǵy boıynsha, 2013 jyly Qaztutynýodaǵy Qaraǵandy ekonomıkalyq ýnıversıtetin «Ekonomıka» mamandyǵy boıynsha bitirgen.

Eńbek jolyn Qaraǵandy men Qaraǵandy oblysynyń ákimdiginde ártúrli laýazymdardan bastady. 2010-2013 jyldary Qaraǵandy oblysynyń kásipkerlik jáne ónerkásip basqarmasynda jumys istedi. 2013-2019 jyldary Qaraǵandy oblysy boıynsha Tehnıkalyq retteý jáne metrologııa komıtetiniń departamentinde ártúrli basshylyq laýazymdarda jumys istedi.

Qazirgi qyzmetin 2023 jyldyń shilde aıynan beri atqaryp keledi.

43 jyl buryn (1983) «Nursultan Nazarbaev Halyqaralyq áýejaıy» AQ Dırektorlar keńesiniń múshesi — táýelsiz dırektory Erlan Sembekuly ABSATOV dúnıege kelgen.

Qaraǵandy oblysy Shahtınsk qalasynda týǵan. E.Bóketov atyndaǵy Qaraǵandy memlekettik ýnıversıtetin «jol qozǵalysy ınjeneri» mamandyǵy boıynsha, Qaztutynýodaǵynyń Qaraǵandy ekonomıkalyq ýnıversıtetin «quqyq» mamandyǵy boıynsha bitirgen.

Eńbek joly: 2006-2008 jyldary Shahtınsk qalasyndaǵy «Kazahstanskaıa» shahtasynyń jerasty taý-ken jumysshysy. 2008 jyly «Qaz ATO» Qazaqstan Respýblıkasy Halyqaralyq avtomobıl tasymaldaýshylary Odaǵy ókildiginiń menedjeri boldy. 2008-2011 jyldary QR Kólik jáne kommýnıkatsııa mınıstrligi Kólik jáne qatynas joldary komıteti Avtomobıl kóligi basqarmasynyń sarapshysy, bas sarapshysy. 2011-2014 jyldary Qazaqstan Respýblıkasy Kólik jáne kommýnıkatsııa mınıstrligi Eýrazııalyq ıntegratsııa basqarmasynyń bas sarapshysy, basshysy. 2014-2016 jyldary QR Investıtsııalar jáne damý mınıstrliginiń Ekonomıkalyq ıntegratsııa departamenti dırektorynyń orynbasary. 2016-2018 jyldary QR Investıtsııalar jáne damý mınıstrligi Ekonomıkalyq ıntegratsııa departamentin dırektorynyń mindetin atqarýshy, dırektor. 2018 jyly «Qazaqstandyq ındýstrııany damytý ınstıtýty» AQ Salalyq taldaý ortalyǵy dırektorynyń orynbasary boldy. 2019-2024 jyldary «Kazlogistics» Qazaqstan tasymaldaýshylar odaǵynyń bas dırektory laýazymyn atqarǵan. «Nursultan Nazarbaev Halyqaralyq áýejaıy» AQ Dırektorlar keńesiniń tóraǵasy.

«Qazaqstan Respýblıkasynyń táýelsizdigine 25 jyl» medaldarymen, «Qurmetti avtokólikshi» tósbelgisimen marapattalǵan.