31 naýryzǵa deıin MÁMS júıesinde saqtanýshynyń mártebesin alý mańyzdy - Aıbatyr Jumaǵulov

NUR-SULTAN. QazAqparat - 2020 jyldyń qańtar aıynyń qorytyndysy boıynsha kórsetilgen konsýltatsııalyq-dıagnostıkalyq qyzmetter 2019 jyldyń qańtarymen salystyrǵanda 27%-ǵa ósti. Bul týraly Ortalyq kommýnıkatsııalar qyzmetinde ótken brıfıngte «Áleýmettik medıtsınalyq saqtandyrý qorynyń» basqarma tóraǵasy Aıbatyr Jumaǵulov aıtty, dep habarlaıdy QazAqparat tilshisi.

2020 jylǵa Áleýmettik medıtsınalyq saqtandyrý qory 1 258 medıtsınalyq uıymmen kelisimshart jasady. Onyń ishinde 657 medıtsınalyq uıym - memlekettik menshikte jáne 601-i — jekemenshik.

«2020 jyldyń qańtar aıynyń qorytyndysy boıynsha kórsetilgen konsýltatsııalyq-dıagnostıkalyq qyzmetter 2019 jyldyń qańtarymen salystyrǵanda 27%-ǵa ósti. Onyń ishinde KT jáne MRT qyzmetterin tutyný 54%–ǵa, ÝDZ-21%-ǵa artty. Qalpyna keltirý emi jáne medıtsınalyq ońaltý qyzmetteriniń barlyq túrleri men beıinderi boıynsha 48%-ǵa ósýi baıqalady, onyń ishinde nevralgııa (ınsýlt) beıinderi boıynsha kórsetilgen qyzmetter kólemi 3,2 ese ósti», - deıdi Aıbatyr Jumaǵulov.

«Áleýmettik medıtsınalyq saqtandyrý qorynyń» baspasóz qyzmetiniń habarlaýynsha, osy jyldyń 1 sáýirine deıin eldiń barlyq turǵyndary shartty túrde saqtandyrylǵan bolyp sanalady jáne olar TMKKK jáne MÁMS paketteri aıasynda medıtsınalyq qyzmetterdi tegin ala alady. Osy kezeńde azamattar ózderiniń saqtandyrý mártebesin anyqtap, mindetti medıtsınalyq saqtandyrý júıesine tirkelýi kerek. Jeńildik kezeńi aıaqtalǵannan keıin, saqtandyrylmaǵan patsıentter medıtsınalyq kómek alýdy jalǵastyra beredi, ol tek medıtsınalyq kómektiń kepildendirilgen kólemi aıasynda ǵana, qalǵan qyzmetterge aqyly bolady. Sondyqtan 31 naýryzǵa deıin MÁMS júıesinde saqtanýshynyń mártebesin alý mańyzdy.