31 naýryzdan bastap Jambyl oblysynda shekteý sharalary engiziledi

Shekteý sharalary:

1) Tranzıttik jáne azyq-túlik taýarlaryn tasymaldaıtyn avtokólikterden basqa, barlyq kólik túrleri úshin jáne azamattar úshin Jambyl oblysy aýmaǵy men Taraz qalasyna kirip-shyǵýǵa tyıym salynady;

2) Іri saýda ortalyqtary qyzmetterin toqtatady;

3) Bólshek saýda bazarlary saǵat 10.00-den 17.00-ge deıin sanıtarlyq-dezınfektsııalyq rejimdi qatań saqtaı otyryp jumys isteıdi;

4) Kóterme azyq-túlik qoımalary men bazarlar, sýpermarketter, azyq-túlik saýda oryndary, turǵyn úı janyndaǵy dúkender men dárihanalar qalypty rejimde jumysyn jalǵastyrady;

5) Qoǵamdyq tamaqtaný nysandary jetkizip berý rejimine kóshedi;

6) Jambyl oblysynyń turǵyndaryna úıinen asa qajettilik bolmasa shyqpaýǵa shaqyrady;

7) Turǵyndardyń úsh adamnan artyq emes toptasyp júrýin (otbasy múshelerin qospaǵanda) shekteý qajet.