31 naýryzda Qazaqstannyń ońtústik-shyǵys, shyǵys jáne ortalyq óńirlerinde aýa raıy qubylmaly bolady
ASTANA. QazAqparat - Búgin Qazaqstan terrıtorııasynyń basym bóliginde antıtsıklonnyń yqpalynan jaýyn-shashynsyz aýa-raıy saqtalady, tek eldiń ońtústik-shyǵys, shyǵys jáne ortalyq óńirlerinde aýa-raıy qubylmaly bolyp, keı jerlerde qar jaýady, burqasyn bolady. Respýblıka boıynsha keı jerlerde kóktaıǵaq, tuman bolyp, jeldiń kúsheıýi kútiledi.
Bul týraly QR ІІM TJD baspasóz qyzmeti habarlaıdy.
Almaty oblysynda keı jerlerinde tuman, kóktaıǵaq kútiledi. Jambyl, Ońtústik Qazaqstan oblystarynyń keı jerlerinde tuman, jel 15-22 m/s bolady.
Mańǵystaý oblysynyń keı jerlerinde túnde tuman, kóktaıǵaq bolyp, jeldiń jyldamdyǵy 15-20 m/s-ǵa jetedi.
Atyraý, kúndiz Qyzylorda oblystarynyń keı jerlerinde jel 15-22 m/s jyldamdyqpen soǵady, shańdy daýyl bolady.
Batys Qazaqstan, Qostanaı oblystarynyń keı jerlerinde tuman bolyp, kúndiz jel 15-20 m/s kúsheıedi.
Pavlodar oblysynyń keı jerlerinde jel 15-20 m/s kúsheıedi. Qaraǵandy oblysynyń keı jerlerinde tuman túsip, jel 15-20 m/s jyldamdyqpen burqasyn soǵady.
Shyǵys Qazaqstan oblysynyń keı jerlerinde 15-20 m/s jel soǵyp, burqasyn, joldarda kóktaıǵaq bolady.
