31 naýryzda 6 oblystyq, 13 qalalyq jáne 38 aýdandyq máslıhat depýtattary saılanatyn bolady - OSK

ASTANA. 13 naýryz. QazAqparat - 31 naýryzda respýblıkanyń 13 óńirindegi 57 saılaý okrýginde máslıhattardyń shyǵyp qalǵan depýtattarynyń ornyna saılaý ótkiziledi.

Bul týraly búgin QR Ortalyq saılaý komıssııasynda ótken brıfıngte komıssııanyń bas sarapshysy, saıasattaný ǵylymdarynyń doktory, professor Venera Jeksembekova málim etti.

«Aǵymdaǵy jyldyń 31 naýryzynda respýblıkanyń 13 óńirindegi 57 saılaý okrýginde máslıhattardyń shyǵyp qalǵan depýtattarynyń ornyna saılaý ótkiziledi. Barlyǵy 6 oblystyq, 13 qalalyq jáne 38 aýdandyq máslıhat depýtattary saılanatyn bolady», - dedi V.Jeksembekova.

Onyń atap ótýinshe, saılaý naýqanyna qajetti qarjylyq jáne materıaldyq-tehnıkalyq resýrstar tolyǵymen qamtamasyz etilgen. Saılaý naýqany barysynda 167 kandıdat usynylǵan. Olardyń 59-yn saıası partııalar, al 108-i ózin-ózi usynǵan. Tirkeý nátıjesinde157 adam barlyq talaptarǵa saı dep tanylǵan. 60 kandıdat saıası partııalardyń múshesi, 68-i partııada joq, al 29-y óziniń partııa qatarynda bar-joq ekendigin kórsetpegen. Kandıdattardyń ortasha jasy - 40. Tirkelgenderdiń 119-y er, 38-i áıel adam.

«Qazirgi ýaqytta saılaý aldyndaǵy úgit-nasıhat júrgizilýde. Ol 29 naýryzda 24:00-de aıaqtalady. Saılaý aldyndaǵy jáne daýys beretin kúnderi úgit-nasıhat júrgizýge tyıym salynǵan», - dedi ol.