31 naýryz kúni «Qazaqstan» Ulttyq arnasynda «Ashyq áńgime» atty jańa jobanyń tusaýy kesiledi

Betpe-bet formatyndaǵy dıalog - otandyq telenaryqtaǵy suranysqa ıe janrdyń biri. Atalǵan baǵyttaǵy telejobalar elimizdiń keıbir telearnalarynda kezdesedi. Alaıda, «Ashyq áńgime» baǵdarlamasynyń basty erekshiligi - onyń júrgizýshisi men qoıylatyn suraqtarynda, dep habarlady Ulttyq arnadan.

Júrgizýshi - Aıdos Sarym qoǵam arasynda óziniń qyzyqty pikirlerimen, qundy usynystarymen, sapaly saraptamasymen tanymal tulǵa.

Stýdııa qonaqtary retinde Qazaqstannyń memlekettik organdarynyń jetekshileri, tanymal saıası qaıratkerler, zııaly qaýym ókilderi, jazýshylar, belgili ǵalymdar shaqyrylady. Áńgime barysynda qonaqtyń ótken ómirindegi is-áreketterine, qabyldaǵan sheshimderine, taǵaıyndalǵan qyzmetterine sholý jasalyp, búgingi qoǵamdyq problemalarǵa kózqarasy, máńgilik máselelerge pikiri, jeke ustanymy jóninde saýaldar qoıylady.

Baǵdarlama barysynda blıts-saýalnamadan, áleýmettik jelilerden alynǵan saýaldar qoıylyp, saıttardaǵy saýalnamanyń nátıjesi jóninde pikiri suralady. Baǵdarlama sońynda Sartr úlgisindegi jyldam qysqa saýaldarǵa kezek beriledi. Suraqtar aıaqasty, tosyn bolady. Osy arqyly stýdııa qonaǵyn ár jaqty synap, túrli qyrynan ashý maqsat etilip otyr.

31 naýryz kúni saǵat 21.35-te «Qazaqstan» Ulttyq arnasynan «Ashyq áńgimeni» kórýdi umytpańyzdar.