31 naýryz. Tulǵalar týǵan kún

Búgin, 31 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

ESІMDER

76 jyl buryn (1948) kompozıtor, Qazaq KSR eńbek sińirgen óner qaıratkeri, Qazaqstan Kompozıtorlar odaǵy basqarmasynyń múshesi, QR Memlekettik syılyǵynyń laýreaty Almas Ermekuly SERKEBAEV dúnıege keldi.

Almaty qalasynda týǵan. 1966 jyly mýzykalyq mektepti, 1973 jyly Almaty konservatorııasynyń (qazirgi Qazaq ulttyq konservatorııasy) kompozıtsııa (Ǵ. Jubanovanyń klasy boıynsha) bólimin bitirgen. 1973-1974 jyldary osynda stajer-zertteýshi, 1974-1978 jyldary stajer-assıstent, 1982 jyldan Qazaqstan Kompozıtorlar odaǵynyń dybys jazý kabınetiniń meńgerýshisi boldy. Sımfonııalyq, aspaptyq-kameralyq, vokaldyq jáne estradalyq janrda eńbek etti. Onyń kameralyq orkestrge arnalǵan «Shalqyma» (1974), «Kerbez» (1976), «Otyrar» (1979), «Shertpe kúı» (1982); «Horlan», «Máńgi óshpes dańq» (1974) atty vokaldyq shyǵarmalary; «Aqsaq qulan» baleti (1975) men «Maýglı, meniń baýyrym» rok-opera-baleti (1982), t.b. bar.

Qazaqstan Memlekettik syılyǵynyń ıegeri.

57 jyl buryn (1967) QR Sý resýrstary jáne ırrıgatsııa mınıstri Nurjan Moldııaruly NURJІGІTOV dúnıege keldi.

1991 jyly Lenıngrad aýylsharýashylyq ınstıtýtyn «Injener-mehanık», 2008 jyly Jambyl gýmanıtarlyq tehnıkalyq ýnıversıtetin «Ekonomıka» mamandyqtary boıynsha bitirgen. Tehnıka ǵylymdarynyń kandıdaty, Qazaq ulttyq agrarlyq ýnıversıtetiniń qurmetti professory.

Eńbek jolyn 1991 jyly Jýaly aýdany Maksım Gorkıı atyndaǵy kolhozynda mehanık bolyp bastaǵan.

Ár jyldary Tóle bı atyndaǵy agrobirlestiktiń bas ınjeneri, Jýaly aýdany ákimi apparatynyń mamany, bas mamany, bólim meńgerýshisi, Jýaly aýdany ákimdiginiń kásipkerlik bóliminiń basshysy, Jambyl oblysy ákimi apparatynyń bas ınspektory, bólim meńgerýshisi, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń orynbasary, basqarma basshysy, Jambyl oblysy ákimdiginiń aýyl sharýashylyǵy basqarmasynyń basshysy, Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy qyzmetterin atqarǵan. Baızaq aýdany ákimi qyzmetin atqardy. 2021 jyldyń sáýir aıynan búginge deıin Jambyl oblysy ákiminiń orynbasary bolyp keldi.

2023 jyldyń qyrkúıek aıynan bastap qazirgi qyzmetinde.

43 jyl buryn (1981) «Ońtústik» óńirlik ınvestıtsııalyq ortalyǵy» JShS basqarma tóraǵasynyń orynbasary Haltóre Aıtbaıuly QARABAEV dúnıege keldi.

Ońtústik Qazaqstan oblysynda (Túrkistan oblysy) týǵan. H.A.ıAsaýı atyndaǵy Halyqaralyq qazaq-túrik ýnıversıtetin zańger, ekonomıka mamandyǵy boıynsha bitirgen.

Eńbek joly: 2000-2005 jyldary «Aısel-Qazaqstan» AQ kadrlar jónindegi menedjeri, Shardara maqta tazartý zaýyty «NIMEX Corporation» JShS Ordabasyndaǵy ýchaskesiniń zańgeri, 2005-2007 jyldary Ordabasy ýchaskesiniń zańgeri, «ıÝgHlopkoProm» JShS («NIMEKS Korporatsııasy» JShS) Soltústik óńiriniń zańgeri, 2007-2009 jyldary «KazMicroFinance» JShS mıkroqarjy uıymynyń problemalyq bóliminiń basshysy, 2009-2014 jyldary «Yrys» mıkroqarjy uıymy» JShS korporatıvtik hatshysy, 2014-2018 jyldary «Bank RBK» AQ Shymkent qalasy boıynsha zań bóliminiń bas mamany boldy.

2018-2021 jyldary «OŃTÚSTІK» aımaqtyq ınvestıtsııalyq ortalyǵy» JShS menedjeri, bas menedjeri, quqyqtyq qamtamasyz etý departamentiniń dırektory.

2021 jyldyń qazan aıynan bastap qazirgi qyzmetinde.

41 jyl buryn(1983) QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Jetkergenuly ORALMAǴAMBETOV dúnıege keldi.

Aqtóbe oblysynda týǵan. Máskeý avıatsııa ınstıtýtyn bitirgen.

Eńbek jolyn 2006 jyly M.V. Hrýnıchev atyndaǵy memlekettik ǵarysh ǵylymı-óndiristik ortalyǵynda ınjener-konstrýktor bolyp bastaǵan. 2010–2012 jyldary «Báıterek» Qazaqstan–Reseı birlesken kásiporny» AQ ókildiginde bas maman, bólim basshysy boldy. 2012–2014 jyldary QR Ulttyq ǵarysh agenttiniń Ǵarysh qyzmetin damytý departamentiniń dırektorynyń orynbasary; dırektory. 2014–2015 jyldary QR Investıtsııalar jáne damý mınıstrliginiń Aeroǵarysh komıtetiniń Jobalardy súıemeldeý basqarmasynyń basshysy. 2015–2016 jyldary «Ǵalam» JShS bas dırektory. 2016-2017 jyldary QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń mindetin atqarǵan. 2017 jylǵy mamyrdan bastap 2019 jylǵa deıin QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary laýazymyn atqarǵan.

2019 jyldyń mamyr aıynan bastap qazirgi qyzmetinde.

41 jyl buryn (1983) Rýdnyı qalasy ákiminiń orynbasary Talǵat Sapabekuly SAQTAǴANOV dúnıege keldi.

M.Dýlatov atyndaǵy Qostanaı ınjenerlik-ekonomıkalyq ýnıversıtetin esep jáne aýdıt mamandyǵy boıynsha bitirgen.

Eńbek joly: 2004-2005 jyldary Denısev aýdany, Denısovka aýyly boıynsha Salyq komıtetiniń bas mamanynyń ýaqytsha mindetin atqarýshy, Salyq komıtetiniń Denısev aýdany, Denısovka aýyly boıynsha aýdıt jáne janama salyqtar bóliminiń bas mamany, Salyq komıtetiniń Denısov aýdany boıynsha Aýdıt jáne janama salyqtar basqarmasy bastyǵynyń mindetin atqarýshy, 2005-2010 jyldary Salyq komıtetiniń Rýdnyı qalasy boıynsha salyqtyq tirkeý bóliminiń bas mamany, Óndiristik emes tólemderdi jáne arnaıy rejımderdi ákimshilendirý basqarmasynyń Arnaýly salyq rejımderin ákimshilendirý basqarmasynyń bastyǵy, 2010-2013 jyldary Óndiristik emes tólemderdi basqarýdyń arnaýly salyq rejımderin ákimshilendirý bóliminiń bas mamany, 2013-2014 jyldary Qostanaı qalasy, shaǵyn jáne orta bıznesti basqarý, óndiristik emes tólemderdi jáne shaǵyn jáne orta bıznesti ákimshilendirý bóliminiń bas mamany, 2014-2015 jyldary Qostanaı qalasy, Qarasý aýdany boıynsha salyq basqarmasy basshysynyń orynbasary, Qostanaı aýdany Maıkól aýyldyq okrýgi ákiminiń mindetin atqarýshy, 2018-2020 jyldary Qostanaı oblysy Maıkól aýyldyq okrýginiń ákimi, 2020-2023 jyldary Uzynkól aýdany, Uzynkól aýyly ákiminiń orynbasary qyzmetin atqardy.

35 jyl buryn (1989) Qazaqstan Respýblıkasy Prezıdentiniń ishki saıasat jáne kommýnıkatsııalar jónindegi kómekshisi Rýslan Sultanuly JELDІBAI dúnıege keldi.

2010 jyly T.Rysqulov atyndaǵy Qazaq ekonomıkalyq ýnıversıtetin bitirgen. «Bolashaq» halyqaralyq bilim berý baǵdarlamasynyń túlegi. 2017 jyly Ýorık ýnıversıtetiniń (Ulybrıtanııa) magıstratýrasyn támamdaǵan.

2011-2012 jyldary «Qazaqstan» ulttyq telearnasynda redaktor, 2012-2018 jyldary «Almaty» telearnasynda bólim basshysy, prodıýser, 2018-2019 jyldary QR Aqparat jáne qoǵamdyq damý mınıstrliginiń Aqparat komıteti Internet keńistikte jáne áleýmettik jelilerde aqparattyq jumys júrgizý basqarmasynyń basshysy, 2019-2020 jyldary QR Aqparat jáne qoǵamdyq damý mınıstrliginiń Aqparat komıteti tóraǵasynyń orynbasary, 2020 jyldyń mamyr aıynan 2022 jyldyń aqpan aıyna deıin QR Prezıdent Ákimshiligi Іshki saıasat bólimi meńgerýshisiniń orynbasary, 2022 jyldyń aqpan aıynan sáýir aıyna deıin QR Premer-Mınıstri Keńsesi basshysynyń orynbasary, 2022 jyldyń sáýir aıynan 2023 jyldyń qańtar aıyna deıin QR Prezıdentiniń Baspasóz hatshysy.

2023 jyldyń qyrkúıek aıynan bastap qazirgi qyzmetinde.