31 naýryz – 6 sáýir aralyǵynda qandaı sporttyq is-sharalar ótedi
ASTANA. KAZINFORM - Týrızm jáne sport mınıstrligi 31 naýryz – 6 sáýir aralyǵynda ótetin sporttyq is-sharalar kestesin jarııalady.

31 naýryz – 2 sáýir: Gir kóterýden jastar men jasóspirimder arasyndaǵy el chempıonaty
Jarysqa 16 óńirden 130 sportshy qatysady.
Ótetin orny: Astana qalasy.
1-7 sáýir: Frıstaıl-akrobatıkadan Eýropa kýbogy kezeńi
Bul týrnırde el namysyn 3 sportshy qorǵaıdy.
Ótetin orny: Aırolo qalasy, Shveıtsarııa.
1-7 sáýir: Grepplıngten Qazaqstan kýbogy
Týrnırde elimizdiń 20 óńirinen kelgen 1000 sportshy baq synaıdy.
Ótetin orny: Astana qalasy.
1-8 sáýir: Sýǵa sekirýden Poland Diving Cup týrnıri
Halyqaralyq jarysqa Qazaqstan quramasynan 5 sportshy qatysady.
Ótetin orny: Jeshýv qalasy, Polsha.
1-11 sáýir: Stend atýdan Álem kýbogy
Kýbok jolyndaǵy básekede 9 otandasymyz synǵa túsedi.
Ótetin orny: Býenos-Aıres qalasy, Argentına.
3-7 sáýir: Taekvondodan Serbııa ashyq chempıonaty
Týrnırge Qazaqstan quramasynyń 9 sportshysy qatysady.
Ótetin orny: Belgrad qalasy, Serbııa.
5-6 sáýir: Kekýshınkaı karate-dodan el chempıonaty
Jarysta 15 óńirden 250 sportshy óner kórsetedi.
Ótetin orny: Aqtóbe qalasy.
5-6 sáýir: Para taekvondodan Qazaqstan kýbogy
Týrnırge 12 óńirden 49 sportshy qatysady.
Ótetin orny: Shymkent qalasy.
5-7 sáýir: Teńge ilýden II Azııa kýbogy
Sary qurlyq dodasynda Qazaqstan, Qytaı, Qyrǵyzstan, Mońǵolııa, Reseı, Tatarstan, Túrikmenstan, Ózbekstannan kelgen 20-dan astam sportshy baq synaıdy.
Ótetin orny: Shymkent qalasy.
Aıta ketelik Qarshyǵa Dáýitbek aralas jekpe-jekten Japonııadaǵy týrnırde jeńiske jetken edi.