31 mamyrǵa kún raıy boljamy

ASTANA. QazAqparat – Atmosferalyq frontaldy bólikterdiń ótýimen 31 mamyrda Qazaqstan aýmaǵynyń basym bóliginde jańbyr jaýyp, naızaǵaı oınaıdy. Tek respýblıkanyń soltústigi men ońtústik jartysynda jaýyn-shashynsyz ashyq kún raıy qalyptasady. Barlyq óńirde ekpindi jel saqtalady, batysta jáne ońtústikte shańdy daýyl tursa, soltústikte tuman boljanady. QazAqparat bul týraly Qazgıdrometke silteme jasap habarlaıdy.

Atyraý oblysynyń basym bóliginde, Aqtóbe, Mańǵystaý oblystarynyń ońtústiginde, Qostanaı oblysynyń soltústiginde jáne batysynda qatty ystyq bolady.

Qostanaı oblysynyń basym bóliginde, Aqmola, Soltústik Qazaqstan jáne Aqtóbe oblystarynda órttiń joǵary qaýpi kútiledi.

Qyzylorda oblysynyń basym bóliginde, Pavlodar oblysynyń shyǵysy men ortalyǵynda, Atyraý, Qaraǵandy oblystarynyń shyǵysynda, Ulytaý oblysynyń ortalyǵynda, Abaı oblysynyń soltústigi men shyǵysynda órttiń tótenshe joǵary qaýpi saqtalady.