31 mamyrda Qaraǵandy, Qostanaı jáne Shymkentte aýa sapasy nasharlaıdy
NUR-SULTAN. QazAqparat – «Qazgıdromet» RMK elimiz qalalaryndaǵy 31 mamyr kúngi aýa sapasy týraly aqparatty jarııalady, dep habarlaıdy QazAqparat.
Sınoptıkterdiń boljamynsha, 31 mamyrda úsh qalada – Qaraǵandy, Qostanaı jáne Shymkentte jaısyz meteorologııalyq jaǵdaı qalyptasyp, aýa lastanady.
Qolaısyz meteorologııalyq jaǵdaılar (QMJ) - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
