31 qazanǵa arnalǵan aýa raıy boljamy
ASTANA. 30 qazan. QazAqparat - Respýblıkada atmosferalyq aǵyndardyń ótýine baılanysty keı jerlerde aýa raıy turaqsyz bolady dep kútilýde, jańbyr jaýady, tuman túsedi, jel kúsheıedi, dep habarlady QR TJM baspasóz qyzmetinen «Qazgıdromet» RMK-ǵa silteme jasap.
Almaty oblysy Jalańashkól aýmaǵynda jel 15-20 m/s-qa deıin kúsheıedi, túnde keı jerlerde tuman túsedi. Atyraý oblysynda, túnde jáne tańerteń Jambyl, Ońtústik Qazaqstan, Qyzylorda, Mańǵystaý, Shyǵys Qazaqstan oblystarynda keı jerlerde tuman túsedi. Batys Qazaqstan, Aqtóbe oblystarynyń jekelegen aýdandarynda túnde tuman túsedi, kúndiz jel 15-20 m/s-qa deıin kúsheıedi dep kútilýde. Soltústik Qazaqstan oblysynyń birqatar aýdandarynda tuman túsýi yqtımal. Qostanaı oblysynda keı jerlerde jel kúsheıedi, jekelegen aýdandarynda túnde jáne tańerteń tuman túsedi dep boljanýda.
Aqmola, Pavlodar oblystarynda keı jerlerde jel 15-20 m/s-qa deıin kúsheıedi dep kútilýde.
Aldaǵy táýlikte Qazaqstannyń sý nysandarynyń basym bóliginde aıtarlyqtaı ózgerister kútilmeıdi.
