31 qazan kúngi aýa raıy boljamy
NUR-SULTAN. QazAqparat – 31 qazan kúni Qazaqstan aýmaǵynyń basym bóliginde jaýyn-shashynsyz aýa raıy saqtalady. Alaıda, elimizdiń shyǵysynda frontaldy bólikterdiń yqpalynan qar jaýsa, batys óńirlerde ortalyǵy Qara teńiz mańaıynda ornalasqan tsıklon jyrasynyń áserinen jańbyr jaýady. Respýblıkanyń keı jerlerinde tuman, ońtústik jáne batys óńirlerde jeldiń kúsheıýi kútiledi, dep habarlaıdy QazAqparat.
«Qazgıdromet» RMK málimetinshe, Jambyl, Mańǵystaý oblystarynyń keı jerlerinde jeldiń kúshi 15-20 m/s artady. Jambyl oblysynda sondaı-aq tuman boljanady.
Táýlik boıy Aqmola, Pavlodar, Qaraǵandy, túnde jáne tańerteń Almaty, Soltústik Qazaqstan, túnde Shyǵys Qazaqstan oblystarynyń keı jerlerinde tuman bolady.
