31 qazan. Kazinform kúntizbesi. Tulǵalar týǵan kún

Almasadam SÁTQALIEV, Qazaqstan Respýblıkasy Atom energııasy agenttiginiń tóraǵasy

1970 jyly Almaty qalasynda týǵan. 1992 jyly ál-Farabı atyndaǵy Qazaq Ulttyq Ýnıversıtetin támamdaǵan, (mehanık). 2013 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn, (ekonomıka magıstri), 2015 jyly Nazarbaev Ýnıversıteti Joǵary bıznes mektebin (Basqarýshy kadrlar úshin iskerlik ákimshilendirý magıstri), 2016 jyly Stenford Ýnıversıteti, Joǵary bıznes mektebin (Basqarýshy kadrlar baǵdarlamasy) bitirdi. Ekonomıka ǵylymynyń kandıdaty.

Eńbek joly: 1992-1997 jyldary «TaSSaT» JShS dırektory, 1997-2001 jyldary «Qaztransoıl» JAQ Jobalardy basqarý departamentiniń bastyǵy, 2001-2006 jyldary «KEGOC» AQ birinshi vıtse-prezıdenti, 2006-2007 jyldary «Samuryq» AQ elektr energetıkalyq aktıvterdi basqarý jónindegi dırektory bolyp qyzmet atqarǵan. 2007 jyly QR Energetıka jáne mıneraldyq resýrstar mınıstrliginiń vıtse-mınıstri, 2007-2011 jyldary «KEGOC» AQ basqarma tóraǵasy, 2011-2012 jyldary «Samuryq-Qazyna» AQ basqarýshy dırektory, 2012-2018 jyldary «Samuryq-Energo» AQ basqarma tóraǵasy, 2018 jyly «KAZENERGY» ZTB tóraǵasynyń orynbasary bolyp qyzmet atqardy. 2018-2021 jyldary «Samuryq-Qazyna» AQ aktıvterdi basqarý jónindegi basqarýshy dırektory qyzmetinde. 2021-2023 jyldary AQ «Samuryq-Qazyna» basqarmasynyń tóraǵasy laýazymyn atqarǵan.

2025 jyldyń naýryz aıynan bastap qazirgi qyzmetinde.

«Qurmet», «Parasat» ordenderimen, «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl», «Qazaqstan Respýblıkasynyń táýelsizdigine 25 jyl», «Kazenergy qaýymdastyǵyna 10 jyl» medaldarymen marapattalǵan. TMD-nyń eńbek sińirgen energetıgi.

Málik MYRZALIN, Qazaqstan Respýblıkasynyń Malaızııadaǵy Tótenshe jáne Ókiletti Elshisi

1971 jyly Aqtóbe qalasynda týǵan. 1996 jyly Máskeý memlekettik halyqaralyq qatynastar ınstıtýtyn, 2000 jyly RF Syrtqy ister mınıstrliginiń Dıplomatııalyq akademııasynda aǵa dıplomattarǵa arnalǵan halyqaralyq kýrstaryn, 2006 jyly AQSh-taǵy Iel ýnıversıtetiniń basqarý mektebin (halyqaralyq qatynastar boıynsha maman) bitirdi.

Eńbek jolyn 1989 jyly bastaǵan. Ortalyq jáne jergilikti organdarda jumys isteý tájirıbesi bar. 1995-2004 jyldary QR SIM júıesinde istegen. 2004-2006 jyldary Soltústik Qazaqstan oblysy ákimi apparatynyń basshysy boldy. 2006-2007 jyldary Soltústik Qazaqstan oblysy ákiminiń orynbasary, 2007-2008 jyldary Soltústik Qazaqstan oblysy ákiminiń birinshi orynbasary laýazymdaryn atqardy. 2008-2009 jyldary «Nur Otan» HDP Ortalyq apparaty basshysynyń orynbasary laýazymyn atqardy. 2010 jyly «Qazaqstan temir joly» UK» AQ prezıdentiniń keńesshisi bolyp istedi. 2010-2011 jyldary QR Prezıdenti Is basqarmasy apparatynyń basshysy laýazymyn atqardy. 2011-2013 jyldary QR Din isteri agenttiginiń jaýapty hatshysy boldy. 2013-2017 jyldary QR Prezıdenti Is basqarýshysynyń orynbasary, keıin 2017 jylǵy qańtarda QR Prezıdenti Is basqarýshysynyń birinshi orynbasary laýazymyn atqarǵan. 2017-2019 jyldary Aqmola oblysynyń ákimi bolǵan. 2019-2022 jyldary QR Prezıdent Ákimshiligi basshysynyń orynbasary. QR Grýzııadaǵy Tótenshe jáne Ókiletti Elshisi (2022-2026).

2026 jyldyń qyrkúıek aıynan bastap qazirgi qyzmetinde.

«Qurmet» ordenimen, «Eren eńbegi úshin» medalimen nagradtalǵan. QR Qurmetti sport qaıratkeri.

Davıd LORIıA, qazaqstandyq fýtbolshy, «Jeńis» fýtbol klýbynyń bas dırektory

1981 jyly Aqmola qalasynda dúnıege kelgen. Ol L. N. Gýmılev atyndaǵy Eýrazııa ulttyq ýnıversıtetin dene shynyqtyrý jáne sport mamandyǵy boıynsha bakalavr dárejesimen (2002), Almatydaǵy Abaı ýnıversıtetin bilim berý magıstri dárejesimen (2010), Lımoj ýnıversıtetin (Frantsııa) jáne Londondaǵy Bırbek ýnıversıtetin (Ulybrıtanııa), UEFA MIP jáne ÝEFA akademııasynda sport menedjmenti mamandyǵy boıynsha magıstr dárejesin (2022) alǵan.

Eńbek joly: Jeńis, Astana, Shahter, Ertis, Qaırat, Ordabasy, Okjetpes, HBK Halmstad (Shvetsııa), Spartak-Nalchık (Reseı), Kaıkýr Rızespor jáne Karsııaka S. K. (Túrkııa) fýtbol klýbtarynda kásibı fýtbolshy (1997-2019); Qyzyljar fýtbol klýby prezıdentiniń keńesshisi (2019-2020); «Astana» FK atqarýshy dırektory (2020-2021); «Astana» FK bas dırektory (2021); «Sýper Bol» jobasynyń bas menedjeri (2022); Astana fýtbol federatsııasynyń prezıdenti (2020-2025); VIII shaqyrylymdaǵy Astana qalalyq máslıhatynyń depýtaty (2023); «Qazaqstan fýtbol federatsııasy qaýymdastyǵy» zańdy tulǵalar qaýymdastyǵynyń vıtse-prezıdenti (2025); «Qazaqstan fýtbol federatsııasy» qaýymdastyǵy» zańdy tulǵalar birlestiginiń bas hatshysy.

2026 jyldyń mamyr aıynan bastap qazirgi qyzmetinde.

«Qurmet» ordenimen marapattalǵan (2024).

Nurdáýlet TÓLEEV, QR Eńbek jáne halyqty áleýmettik qorǵaý mınıstrligi apparatynyń basshysy

1984 jyly týǵan. Qazaq gýmanıtarlyq zań ýnıversıtetin, QR Prezıdenti janyndaǵy Memlekettik basqarý akademııasyn bitirgen. Zańger.

Eńbek jolyn 2004 jyly Astana qalasyndaǵy «TopıÝrAýdıt KazGıÝÝ» JShS-de ıýrıskonsýlt bolyp bastady. 2005-2007 jyldary QR Prezıdenti janyndaǵy Memlekettik basqarý akademııasynyń magıstranty, odan keıin QR Zańnama ınstıtýtynyń ǵylymı qyzmetkeri, QR Parlamenti Májilisi Apparatynyń Zańnama jáne sot-quqyqtyq reforma komıtetiniń qyzmetin qamtamasyz etý bóliminiń bas konsýltanty qyzmetterin atqardy. 2008 jyldyń qarashasynan bastap QR Prezıdentiniń Ákimshiliginde jumys istep keledi: Ákimshilik basshysynyń hatshylyǵynda konsýltant, QR Prezıdenti Keńsesiniń ınspektory, sektor meńgerýshisi boldy.

2025 jyldyń sáýir aıynan bastap qazirgi qyzmetinde.

«Eren eńbegi úshin» medalimen (2016) jáne 4 merekelik medalmen marapattalǵan.

Imammahmut ShAǴYRBAEV, «Ádilet» partııasynyń Mańǵystaý oblystyń fılıalynyń basshysy

1988 jyly Mańǵystaý oblysynda týǵan. L. N. Gýmılev atyndaǵy Eýrazııa ulttyq ýnıversıtetin jáne Sh. Esenov atyndaǵy Kaspıı memlekettik ýnıversıtetin ekonomıka, áleýmettik jumys jáne qurylys mamandyqtary boıynsha bitirgen.

Eńbek joly: Aqtaý qalasy ákimi apparatynda hatshy (2010-2011); Aqtaý qalasy ákimi apparatynda uıymdastyrýshylyq baqylaý bóliminiń bas mamany (2011-2013); Mańǵystaý oblysy Kásipkerlik jáne saýda departamentiniń ınvestıtsııalyq jáne ınnovatsııalyq saıasat bóliminde ınfraqurylymdyq jobalar jónindegi bas maman (2013); «Amıran» JShS dırektorynyń orynbasary (2013-2018); Mańǵystaý oblysy Qurylys, sáýlet jáne qala qurylysy departamentiniń sáýlet jáne qala qurylysy kadastry bóliminiń bastyǵy (2018-2019); Mańǵystaý oblysy Qurylys, sáýlet jáne qala qurylysy departamenti bastyǵynyń orynbasary (2019-2021); Qazaqstan Respýblıkasy Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń Turǵyn úı qurylysy jáne jańa qurylystarǵa arnalǵan ınjenerlik-kommýnıkatsııalyq ınfraqurylymdy damytý departamentiniń bas sarapshysy (2021-2022); Túpqaraǵan aýdany ákiminiń orynbasary (2022); Aqtaý qalasy ákiminiń orynbasary (2022-2026).

Dınara SÁDÝAQASOVA, qazaqstandyq shahmatshy, áıelder arasynda halyqaralyq grossmeıster, erler arasynda halyqaralyq sheber, 14, 17, 18 jáne 20 jasqa deıingi jalǵyz tórt dúrkin álem chempıony

1996 jyly Aqmola qalasynda týǵan. Shahmat oınaýdy bes jasynan úırengen. 2012 jyly 16 jasynda Qazaqstannyń áıelder arasyndaǵy eń jas grossmeısteri atanǵan.

Halyqaralyq grossmeıster ál-Aınde (BAÁ) ótken Azııanyń shahmat sammıtinde 2017 jylǵy eń úzdik shahmatshy atandy. Asian Chess Excellence Awards syılyǵyn ıelendi. Qyzdar arasynda álemniń tórt dúrkin chempıony. Ol — ıÝNISEF-tiń Qazaqstandaǵy erikti elshisi bolyp saılanǵan tuńǵysh qazaq qyzy.

Dınara jyl saıyn shahmattyń qyr-syryn úıretý, jastardy kásibı shyńdaý maqsatynda «Grossmeıster Dınara Sádýaqasova kýbogy» atty shahmat týrnırin ótkizip turady. 2014 jyly «Shahmattyń alǵashqy qadamdary» atty kitabyn stıpendııasyna shyǵarǵan. Osy kitappen 2016 jyldan beri qazaqstandyq oqýshylar shahmat úırenedi.

«Qurmet» ordenimen (2006), «Úmit» qoǵamdyq ordenimen (2017); «Daryn» memlekettik syılyǵymen (2017) marapattalǵan. 2017 jylǵy 23 jeltoqsanda BAÁ-de 4-shi jyl saıynǵy «Asian Chess Excellence Awards» marapattaý rásiminde qazaqstandyq grossmeıster D. Sádýaqasova «2017 jyldyń úzdik áıel oıynshysy» dep jarııalandy.