31 qańtarda Qazaqstanda ótetin mańyzdy sharalarǵa sholý
NUR-SULTAN
Saǵat 8.30-da Ulttyq bıotehnologııalar ortalyǵynda Bilim jáne ǵylym mınıstriniń qatysýymen jańa bıotehnologııalardyń tanystyrylymy ótedi.
10.00-de «Samruk-Aqparat» baspasóz ortalyǵynda «Samuryq-Qazyna» AQ kompanııalar tobynyń 2019 jylǵy qaıyrymdylyq qyzmetiniń qorytyndylary» taqyrybynda «Samruk-Kazyna Trust» Áleýmettik jobalardy damytý qorynyń baspasóz máslıhaty ótedi.
10.00-de «Táýelsizdik» saraıynda QR Sybaılas jemqorlyqqa qarsy is-qımyl agenttiginiń 2019 jylǵy jumys nátıjeleri týraly alqa otyrysy ótedi.
10.00-de «Hilton Garden Inn» qonaq úıinde Búkilálemdik bank Qazaqstan ekonomıkasy týraly «Ósý ımpýlsin qoldaý» baıandamasyn talqylaýǵa shaqyrady.
10.45-te Nur-Sultan kásipkerler palatasynda Nur-Sultan ákimdigi, «Astana Invest» AQ, ekinshi deńgeıli bankter, baǵdarlama qatysýshylary jáne «qarapaıym zattar ekonomıkasy» boıynsha nesıe alýǵa ótinish bildirgen ShOB ókilderiniń qatysýymen eseptik kezdesý ótedi.
15.00-de «Qazaqstan» ortalyq kontsert zalynda QR Premer-mınıstriniń orynbasary Berdibek Saparbaev, QR Bilim jáne ǵylym mınıstri Ashat Aımaǵambetovtiń qatysýymen QR Bilim jáne ǵylym mınıstrliginiń keńeıtilgen alqa otyrysy ótedi.
16.00-de QR Ádilet mınıstri Marat Beketaevtyń tóraǵalyq etýimen jáne memlekettik organdardyń, úkimettik emes sektordyń jáne bıznes-qoǵamdastyqtyń qatysýymen zań jobalaý qyzmeti máseleleri jónindegi vedomstvoaralyq komıssııanyń kezekti otyrysy bolady.
16.00-de Qazmedıa ortalyǵynda Qazaqstannyń bas sanıtarlyq dárigeri Jandarbek Bekshın eldegi sanıtarlyq-epıdemıologııalyq jaǵdaı jáne Qazaqstanda koronavırýs ınfektsııasynyń aldyn alý boıynsha qabyldanǵan sharalar týraly málimdeme jasaıdy.
ALMATY
10.00-de «Ritz-Carlton» qonaq úıinde «Digital Almaty: jahandyq ekonomıkanyń tsıfrlyq bolashaǵy» halyqaralyq forýmy bastalady.
14.30-da Digital Almaty halyqaralyq forýmy aıasynda «Astana» halyqaralyq qarjy ortalyǵy bıýrosynda ashylatyn QWANT baǵdarlamalaý mektebin iske qosýǵa arnalǵan «Jańa tsıfrlyq álem úshin bolashaq mamandardy daıarlaýdyń beıimdelgen tehnologııasy» atty baspasóz máslıhaty ótedi.
15.00-de «Medeý» taý sport kesheninde QR Avtosport federatsııasy muz betindegi motojarys boıynsha jeke álem chempıonatynyń birinshi fınaly týraly baspasóz máslıhatyn ótkizedi.