31 qańtarda Qazaqstan qalalarynda aýa sapasy qandaı bolady
NUR-SULTAN. QazAqparat – Dúısenbide Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sáıkes 31 qańtarda elimizdegi qalalardyń basym kópshiliginde meteorologııalyq ahýal birqalypty bolady. Tek Almaty, Shymkent, Atyraý, Balqash jáne Jezqazǵan qalalarynda qolaısyz meteorologııalyq jaǵdaılar kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
