31 qańtarda Astana men Almaty qalalarynda ótetin sharalar

ASTANA

Saǵat 9:30-da Best Western Plus Astana konferentsııa zalynda elimizdiń Qarjy mınıstrliginiń bıýdjetterdiń aıqyndyǵy men ashyqtyǵyn qamtamasyz etý jónindegi jumystary týraly qoǵamdy aqparattandyrýǵa arnalǵan baspasóz máslıhaty óz jumysyn bastaıdy.

Al 10:00-de QR Parlamenti Májilisiniń jalpy otyrysy ótedi.

11:00-de elimizdiń Memlekettik hatshysy Gúlshara Ábdiqalyqova Aqordada Slovakııa Respýblıkasynyń Qazaqstandaǵy Tótenshe jáne Ókiletti Elshisi P.ıÝzany qabyldaıdy.

Dál osy ýaqytta Etalon ortalyǵynda Eýrazııalyq ekonomıkalyq komıssııa ókilderiniń qatysýmen odandyq óndirýshilerge qoldaý kórsetý máselelerine arnalǵan otyrys jumysyn bastaıdy.

Sonymen qatar dál osy sátte Alık Shpekbaevtyń tóraǵalyǵymen Memlekettik qyzmet isteri jáne sybaılas jemqorlyqqa qarsy is-qımyl agenttiginiń alqa otyrysy bastalady.

Saǵat 11:00-de Qazaqstannyń Ulttyq akademııalyq kitaphanasynda jazýshy, dramatýrg, Memlekettik syılyqtyń ıegeri Bakqoja Muqaıdyń 70 jyldyq mereıtoıyna arnalǵan shara ótedi.

Al osy aralyqta QR Tuńǵysh Prezıdenti - Elbasy kitaphanasynda Qazaqstan Prezıdentiniń aǵymdaǵy jyly el halqyna arnaǵan Joldaýyn talqylaýǵa arnalǵan dóńgelek ústel otyrysy bastalady.

Araǵa bir saǵat ýaqyt salyp «Úkimet úıine» kelgen AHQO basqarýshysy Qaırat Kelimbetov, «AHQO Ákimshiligi» AQ» basqarmasy tóraǵasynyń orynbasary marat Áıtenov, AHQO bırjasy basqarmasy basqarmasynyń orynbasary Ámına Turǵylova, sonymen qatar «AHQO Ákimshiligi» AQ tsıfrlyq tehnologııalar jónindegi dırektory Ásel Jıenbaeva BAQ ókilderine arnaıy baspasóz máslıhatyn ótkizedi.

Saǵat 15-00-de Nazarbaev Ýnıversıtetinde Májilis depýtattary joǵary bilim berýdi damytýdyń keleshegin talqyǵa salady.

Al osy ýaqytta Senattyń Qarjy jáne bıýdjet jónindegi komıtetiniń keńeıtilgen otyrysy óz jumysyn bastaıdy. Onda senatorlar Qazaqstan men Ázerbaıjan Úkimetteri arasynda qosarlanǵan salyqty boldyrmaý jáne salyq salýdan jaltarýdyń aldyn alý máseleleri kózdelgen hattamany ratıfıkatsııalaý týraly zań jobasyn talqylaıdy.

Al keshki saǵat 19:00-de «Astana» kontsert zalynda Qytaıdyń kóktem merekesine arnalǵan dástúrli jańajyldyq kontsert bolady.

ALMATY

Saǵat 11-00-de Ál-Farabı atyndaǵy Qazaq ulttyq ýnıversıtetinde «Almaty qalasynyń JOO-lar arasynda «rýhanı jańǵyrý» baǵdarlamasyn júzege asyrý» taqyrybynda dóńgelek ústel jumysyn bastaıdy. Oǵan qaladaǵy 38 joǵary oqý ornynyń ókili qatysady.

Al 11:00-de QR BǴM Ǵylym komıtetine qarasty Ekonomıka ınstıtýtynda QR Prezıdentiniń bıylǵy Joldaýyn talqylaýǵa arnalǵan «Qazaqstannyń tehnologııalyq damýy men ekonomıkasynyń megatrendteri» taqyrybynda «dóńgelek ústel» bolady.

Sonymen qatar osy ýaqytta «Arman» kınoteatrynda rejısser Bekarys Elýbaıdyń «Oazıs» fılminiń baspasóz ókilderine arnalǵan kórsetilimi ótedi. Fılmdi QR Mádenıet jáne sport mınıstrliginiń tapsyrysymen Sh.Aımanov atyndaǵy «Qazaqfılm» kınostýdııasy «Asau Art Films» JShS-iniń qatysýmen túsirgen.