31 qańtar kúni Qazaqstanda ótetin mańyzdy sharalarǵa sholý

ASTANA

10.00-de QR Parlamenti Senatynyń kezekti otyrysy bastalady.

10.00-de Astana qalasynyń sotynda «Qazaqstan Respýblıkasynyń keıbir zańnamalyq aktilerine menshik quqyǵyn qorǵaýdy kúsheıtý, tórelik, sot júktemesin ońtaılandyrý jáne qylmystyq zańnamany odan ári izgilendirý máseleleri boıynsha ózgerister men tolyqtyrýlar engizý týraly» QR Zańyn talqylaý boıynsha dóńgelek ústel ótedi.

11.00-de Sybaılas jemqorlyqqa qarsy is-qımyl ulttyq bıýrosynda brıfıng ótedi.

11.40-de «The Ritz-Carlton» qonaq úıinde Devıs Kýbogynyń jerebesi tastalady jáne Qazaqstan men Portýgalııa komandalarynyń baspasóz máslıhaty ótedi.

12.00-de Qazaqstannyń Bas sanıtarlyq dárigeri Jandarbek Bekshın Astanadaǵy №71 mektep-lıtseıge barady.

13.45-te №72 orta mektepte QR ІІM Esirtki qylmysyna qarsy kúres departamenti Astana ákimdigimen jáne «Erkin adamdar» Qorymen birlesip, sıntetıkalyq esirtki men «dárihanalyq» nashaqorlyq máselesi jóninde kezdesý ótkizedi.

14.00-de № 62 lıtseıde Astana qalasynyń jalpy bilim beretin mektepterindegi tárbıe jumysy boıynsha dırektor orynbasarlaryna esirtkilik zattarmen kúres týraly dáris oqylady.

15.00-de QR Bilim jáne ǵylym mınıstri E.Saǵadıevtiń tóraǵalyǵymen QR Úkimetiniń janyndaǵy kámeletke tolmaǵandardyń isi jáne olardyń quqyqtaryn qorǵaý jónindegi vedomstvoaralyq komıssııanyń kezekten tys otyrysy ótkiziledi.

15.00-de Balalar kórkemsýret mektebi - ıÝNESKO klýbynyń foıesinde «Qysqy ertegi» atty jas sýretshilerdiń qalalyq konkýrsynyń qorytyndysy boıynsha balalar shyǵarmashylyǵynyń kórmesi ashylady.

15.00-de QR Ulttyq akademııalyq kitaphanada jazýshy, dramatýrg, Qazaqstannyń eńbek sińirgen qaıratkeri Ánes Saraıdyń «Edil-Jaıyq» atty jańa kitabynyń tusaýkeseri ótedi.

18.00-de M.S. Nárikbaev atyndaǵy Qazaq memlekettik zań ýnıversıtetinde Qazaqstandaǵy Frantsııa Elshiligi, Astana qalasynyń Frantsýz alıansy jáne atalmysh ýnıversıtet uıymdastyrǵan OI-PІKІRLER TÚNІ ótedi.

ALMATY

11.00-de InterContinental Almaty qonaq úıinde Túrki Keńesiniń Aqparattyq-kommýnıkatsııalyq tehnologııalar boıynsha jaýapty mınıstrleriniń úshinshi otyrysy ótedi.

19.00-de Qurmanǵazy atyndaǵy qazaq memlekettik akademııalyq halyq aspaptar orkestriniń kontsert zalynda ataqty dırıjer, Qyrǵyz Respýblıkasynyń halyq ártisi Baqtybek Tilegenovtyń «Qazaq-qyrǵyz tartýy» atty shyǵarmashylyq keshi ótedi.

TÚRKІSTAN

11:00-de Túrkistan oblystyq Kásipkerler palatasynda óńirlik keńestiń otyrysy ótedi. Jıynda Túrkistan qalasy bas jospary tanystyrylyp, sondaı-aq Kásipkerler palatasynyń aldaǵy josparlary aıqyndalady.

KÓKShETAÝ

11:00-de Aqmola oblysynyń Óńirlik kommýnıkatsııalar qyzmetinde Shortandy aýdanynyń ákimi Gúlnur Sádýaqasova óńirdiń áleýmettik-ekonomıkalyq damýynyń 2018 jylǵy qorytyndylary jáne aldaǵy josparlary týraly brıfıng ótkizedi.