«31 arna» kórermenderge jańa telemaýsymyn usynady
Y. Qyrkúıektiń 14-i. QazAqparat /Erbol Turymbetov/ - Búgin Almatyda «31 arnanyń» jańa maýsymdaǵy telebaǵdarlamalarynyń tusaýkeseri ótti, dep habarlaıdy QazAqparat.
«31 arna» jańa maýsymda kórermenderine 6-shy qyrkúıekten bastap «Teńge BOX», «Talant ShOÝ» baǵdarlamalaryn usynyp keledi. Intellektýaldyq jáne kóńilashar baǵdarlamalar dúısenbi-juma kúnderi aralyǵynda aptasyna 5 ret efırge shyǵýda.
31-shi telearnanyń Bas dırektory Nurjan Jalaýqyzynyń aıtýynsha, ázil-syqaqtyq, aqparattyq basqa baǵdarlamalar da jańa maýsymdy jańa izdenispen bastap otyr. Onyń aıtýynsha, «Ázil-stýdıo» jobasynyń kórsetilim úlesi (12,2 %) arnanyń ortasha úlesinen de (11,9 %) asyp túsedi.
«Informbıýro» tilshileri de «37 keremet», «Saý bolyńyz!», «Túngi Almaty syrlary» sekildi qyzyqty aıdyrlardy turaqty túrde júrgizip otyratyn bolady. Sonymen birge, burynnan kórsetilip kele jatqan orys, túrik, koreı serııaldary budan ári jalǵasa beredi.
