307,1 mlrd teńgege 65 zaýyt: turmystyq qaldyqty óńdeý qýaty artady

ASTANA. KAZINFORM - Elimizdegi iri qalalarda qatty turmystyq qaldyqtardy óńdeıtin 65 zaýyt salynbaq. Bul týraly QR Ekologııa jáne tabıǵı resýrstar vıtse-mınıstri Jomart Álıev aıtty.

– Memleket basshysynyń iri qalalarda qatty turmystyq qaldyqtardy qaıta óńdeıtin zaýyttar salý jónindegi tapsyrmasyn iske asyrý jumystarynyń I kezeńinde jalpy quny 307,1 mlrd teńge bolatyn 65 joba maquldandy.

Onyń ishinde:

• 5 joba boıynsha «Jasyl damý» AQ Ónerkásipti damytý qoryna 3,5 mlrd teńge baǵyttady. Onyń ishinde 4 jobany júzege asyratyn 3,4 mlrd teńge túpkilikti qaryz alýshyǵa jiberildi.

• 69,9 mlrd teńgeniń 16 jobasy (onyń ishinde 59,6 mlrd teńge ýtıldik tólemder esebinen) 2-kezeńde qarastyrylyp jatyr.

• 44 joba 232,1 mlrd teńge somasyna Ónerkásipti damytý qory eskertýleri boıynsha ınvestorlarmen pysyqtalýda, sodan keıin olardyń qarjy jaǵy qaralatyn bolady, - dedi ol OKQ alańynda.

Vıtse-mınıstrdiń aıtýynsha, atalǵan jobalar qaıta óńdeý qýatyn jylyna 1,1 mln tonnaǵa, al suryptaý kólemin 2,2 mln tonnaǵa arttyrýǵa múmkindik beredi.

Aıta keteıik, elimizde iri kásiporyndardyń zııandy shyǵaryndylary 6% azaıdy.