307 myńnan astam qazaqstandyq «Densaýlyq joly-2016» aktsııasy aıasynda medıtsınalyq qyzmettermen qamtyldy
ASTANA. QazAqparat - «Densaýlyq joly - 2016» aktsııasy aıasynda eki aıdyń ishinde jyljymaly medıtsınalyq keshenderimen respýblıkanyń shalǵaı aımaqtaryndaǵy aýyldyq jerlerge barǵan terapevter jáne beıindi mamandar 307 965 adamdy medıtsınalyq tekserýden ótkizdi, dep habarlaıdy primeminister.kz.
Osylaısha, 119 364 adam flıýrografııalyq zertteýden ótkizildi, onyń ishinde 857 adamda patologııalyq ózgeris jaǵdaıy dıagnostıkalandy, 51 týberkýlez jaǵdaıy anyqtaldy. Patsıentter ári qaraı tekserilýge, dıagnozdy anyqtaýǵa jáne keshendi emdelýge jiberildi.
98 418 aýyl turǵynyna zerthanalyq, 61 034 adamǵa aspapty zertteý júrgizildi.
20 myń 982 tekserilgen adamdardyń ishinen qaýip-qater faktorlary, onyń ishinde 8 781 adamda temeki shegý, 3 939 adamda ishimdikti paıdalaný, 8 262 adamda denedegi artyq salmaqtyń bar ekeni belgili boldy.
«8 167 adamda sozylmaly juqpaly aýrýlardyń, 5 494 adamda qan aınalymy júıesiniń (arterıaldyq qysymnyń artýy, EKG-daǵy ózgerister), 2 673 adamda qant dıabetiniń (dıabetaldy, ashqaryndaǵy glıýkoza deńgeıiniń ulǵaıýy jaǵdaılary) belgisi anyqtaldy», - dep málimdedi ortalyqta.
Mańyzdy patologııalary bar patsıentter oblystyq ortalyqtarǵa tekserýge jiberildi.
Sonymen birge, SÓSQ aımaqtyq ortalyqtary óńirlerdegi densaýlyq saqtaý basqarmalarymen birlese otyryp salaýatty ómir saltyn qalyptastyrý, aýrýlardyń aldyn alý boıynsha aqparattyq-túsindirý sharalaryn ótkizdi.
Esterińizge salsaq, aǵymdaǵy jylǵy 1 shilde men 31 tamyz aralyǵynda respýblıka boıynsha «Densaýlyq joly - 2016» keń kólemdi aktsııasy ótedi. Onyń maqsaty - salaýatty ómir saltyn qalyptastyrý jáne kóptegen aýrýlardyń aldyn alý máseleleri boıynsha aýyl turǵyndaryna aqparattyq bilim berý jáne praktıkalyq kómek kórsetý bolyp tabylady.
