30,6 mln teńge - Medsaqtandyrý qory basshylaryna qomaqty syıaqy berilgen
«Áleýmettik medıtsınalyq saqtandyrý qory» kommertsııalyq emes aktsıonerlik qoǵamy óziniń resmı saıtynda 2022 jylǵy qyzmeti týraly jyldyq esep jarııalaǵan. Ondaǵy derekterge saı, 2022 jyly basqarmanyń ár múshesine 18,8 mln teńge kóleminde syıaqy berilgen, dep habarlaıdy Kazinform.
Málimetke saı, 2022 jylǵy 31 jeltoqsandaǵy jaǵdaı boıynsha qordyń negizgi basqarý personaly jalpy sany 5 adamnan turatyn basqarma múshelerinen turǵan. Sondaı-aq, 2021 jylǵy 31 jeltoqsandaǵy jaǵdaı boıynsha da basqarma músheleriniń sany 5 adam bolǵan.
"Kirister men shyǵystar týraly esepte ákimshilik shyǵystar quramyna engizilgen negizgi basqarýshy personal syıaqysynyń jalpy somasy 2022 jylǵy 31 jeltoqsanda aıaqtalǵan jyl úshin 93,806 myń teńgeni qurady (2021 j.: 152,922 myń teńge)" delingen habarlamada.
ıAǵnı, 2021 jyly basqarmanyń bes múshesiniń árbiri 30,6 mln, 2022 jyly 18,8 mln teńge kóleminde syıaqy alǵan.
Aıta ketý kerek, negizgi basqarý personalynyń syıaqysy, qordyń ishki erejelerine sáıkes, jalaqyny, aqyly demalystardy jáne ózge de tólemderdi qosa alǵanda, barlyq tólemderdi qamtıdy.
