300 jýyq otbasy Túrkistannan Teriskeıge qonys aýdardy
TÚRKІSTAN. KAZINFORM — Soltústik Qazaqstan oblysynyń «Qandastar men qonys aýdarýshylarǵa arnalǵan aqparattyq-túsindirý ortalyǵynyń» jetekshisi Ánýar Toqpan men «Táýekel» qoǵamdyq birlestiginiń tóraǵasy Býrahan Daqanov qatysýymen Túrkistan halqymen kezdesý ótti.
Ońtústikten Soltústikke kóshý jaıy boıynsha kezdesý Saıram aýdanynda ótti. Onda Soltústik Qazaqstan oblysynan kelgen ókilderi keń kólemdi túsindirý jumystaryn júrgizdi. Qandastar jáne qonys aýdarýshylarǵa aqparattyq-túsindirý ortalyǵynyń dırektory Ánýar Toqpan memleket tarapynan kórsetiletin materıaldyq kómek pen qoldaýlar jaıly málimet berdi.
Bos jumys oryndary, turǵyn úı máselesi, kóterme járdemaqy sekildi memlekettik qoldaýlar boıynsha túsindirme jumystaryn júrgizdi. Kóshýge nıetti azamattar kókeıindegi suraqtaryn qoıyp, naqty jaýaptar aldy.
Jıynǵa qatysqan qoǵam belsendisi, «Táýekel» qoǵamdyq birlestiginiń tóraǵasy Býrahan Daqanov teriskeıdiń klımaty, topyraǵy aýyl sharýashylyǵy, orman-toǵaıy mal ustaý úshin tıimdi ekendigin túsindirdi.
Spıkerler qoıylǵan suraqtarǵa jaýap berip, ońtústik jurtyn jumys kúshi jetispeıtin óńirlerge kóshýge shaqyrdy. Soltústikten kelgen ókilder Ordabasy aýdanynyń turǵyndarymen de kezdesti.
Bul sharanyń maqsaty — qonys aýdarý úderisine qatysqysy keletin azamattarǵa qajetti aqparatty jetkizý, kóshi-qonǵa baılanysty suraqtarǵa jaýap berý jáne óńiraralyq qonys aýdarý múmkindikterin túsindirý.
Kezdesý barysynda qandastar jáne qonys aýdarýshylarǵa aqparattyq-túsindirý ortalyǵynyń dırektory Ánýar Toqpan turǵyndarǵa óńiraralyq qonys aýdarýdyń artyqshylyqtary, onyń ishinde jańa múmkindikterge jol ashý, turǵyn úı máselelerin sheshý jáne áleýmettik qoldaýlar alýǵa múmkindik barysy boıynsha keń kólemdi málimet berdi.
Qoǵam belsendisi, «Táýekel» qoǵamdyq birlestiginiń tóraǵasy Býrahan Daqanov teriskeıdiń klımatyn jáne aýyl sharýashylyǵy úshin tıimdi tustary boıynsha aıtyp ótti. Sonymen qatar «Óńiraralyq qonys aýdarý» baǵdarlamasy halyqqa úlken qoldaý kórsetip, jańa aımaqtarǵa beıimdelýine jaǵdaı jasaıtyndyǵyn jetkizdi.
Teriskeıden kelgen ókilder turǵyndar tarapynan qoıylǵan suraqtarǵa jaýap berip, Ońtústik jurtyn Soltústik óńirlerge qonys aýdarýǵa shaqyrdy.
Soltústik Qazastan oblysynan kelgen kóshi-qon toby Arys qalasy turǵyndarymen de kezdesti.
Kezdesýge kelgen Arys qalasy turǵyndarynyń qoıǵan saýaldary turaqty jumys oryndary, turǵyn úı, ınfraqurylym baǵytynda boldy.
Qandastar jáne qonys aýdarýshylarǵa aqparattyq-túsindirý ortalyǵynyń dırektory Ánýar Toqpan, qoǵam belsendisi, «Táýekel» qoǵamdyq birlestiginiń tóraǵasy Býrahan Daqanov qoıylǵan suraqtarǵa jaýap berip, ońtústik jurtyn jumys kúshi jetispeıtin óńirlerge kóshýge shaqyrdy.
«Soltústikke kósh» nasıhat toby Túrkistan qalasynyń turǵyndarymen de kezdesti.
Shara barasynda elimizdiń soltústik óńirlerine qonys aýdarýǵa nıetti ońtústik turǵyndaryna qajetti aqparattarmen bólisti. Sonymen qatar óńiraralyq qonys aýdarýdyń artyqshylyqtary, onyń ishinde turǵyn úı men áleýmettik qoldaýlar alýdyń múmkindikteri túsindirildi.
Aıta keteıik, bıylǵy jyldyń on aıynda Túrkistan oblysynan 288 otbasydan 1 116 adam teriskeıge qonys aýdarǵan. Naqty kórsetsek, Shyǵys Qazaqstan oblysyna — 18 otbasy (71 adam), Qostanaı oblysyna — 18 otbasy (71 adam), Pavlodar oblysyna 127 otbasy (592 adam), Soltústik Qazaqstan oblysy — 110 otbasy (318 adam), Qaraǵandy oblysyna 2 otbasy (11 adam), Abaı oblysyna 8 otbasy (23 adam), Ulytaý oblysyna 5 otbasy (30 adam). Jalpy elimiz boıynsha 3 494 qonys aýdarǵandardyń 32%-y Túrkistan oblysynyń úlesinde. Olardyń ishinde eńbekke jaramdy 538 adamnyń 304-i jumysqa ornalasqan.
Jalpy, 2015 jyldan beri jumys kúshi az soltústik óńirlerine halqy tyǵyz ornalasqan ońtústik aımaqtarynan azamattardy kóshirý jumystary nátıjesinde, oblysymyzdan 2015 jyldan búginge deıin 14 874 adam nemese 3 358 otbasy qonys aýdarǵan.
