300 túlekke áskerı qyzmetker kýáligi tabystaldy (FOTO)

ASTANA. QazAqparat - Búgin alǵash Qurlyq áskerleriniń oqý ortalyǵynda «mehanık-júrgizýshi» jáne «kózdeýshi-operator» mamandyqtary boıynsha kelisimshart negizinde bilim alǵan áskerı qyzmetkerlerge kýálikter tapsyryldy, dep habarlady QR Qorǵanys mınıstrliginiń baspasóz qyzmeti.

Kelisimshart boıynsha 300 áskerı qyzmetshi úsh aı boıyna qarý-jaraq pen tehnıkany paıdalanýǵa mashyqtandy. Áskerı qyzmetshilerge sabaq daıyndyqtyń arnaıy baǵdarlamasy boıynsha júrgizildi. Olarǵa bilim beretin oqytýshylar quramy tájirıbeli ofıtserler arasynan iriktelip alyndy.

Qarýly Kúshterdiń kásibı negizge kóshý úderisi kelisimshart boıynsha áskerı qyzmetshilerden joǵary daıyndyq deńgeıin talap etedi. Mamandardyń bul kategorııasy áskerı bólimderdiń jaýyngerlik ázirligine negizgi áser etetin býyn bolyp tabylady.

Bitirýshiler sertıfıkattar men synyptyq maman kýálikterin aldy. Oqý ozattaryna gramotalar men syılyqtar tabystaldy.