300 myńnan astam qazaqstandyq QazVas vaktsınasyn alǵan

NUR-SULTAN. QazAqparat – Qazaqstan mamandary oılap tapqan tehnologııamen jasalyp, Jambyl oblysynda óndirilip jatqan QazVas vaktsınasyn búginge deıin 300 myńnan astam qazaqstandyq alyp úlgergen, dep habarlaıdy QazAqparat tilshisi.

Bul týraly koronavırýs pandemııasymen kúres jónindegi «El úshin egilemin» azamattyq shtabynyń Facebook-tegi paraqshasynda jazyldy.

Jazbada keltirilgen málimet boıynsha, koronavırýs pandemııasymen kúres jónindegi «El úshin egilemin» azamattyq shtabynyń ókilderi «Bıologııalyq qaýipsizdik problemalary ǵylymı zertteý ınstıtýtynyń mamandarymen kezdesip, otandyq vaktsına shyǵaratyn «OtarBıoFarm» zaýytyna bas suqqan.

«Qazir zaýyt jabdyqty valıdatsııalaý rejıminde jumys istep tur. Qyrkúıekte shtattyq jumys rejımge kóshse, jyl sońyna deıin QazVac-tyń 2 mln dozasyn shyǵarý josparlanyp otyr», - dep zaylǵan shtab taratqan málimette.

Shtab ókilderi ınstıtýttyń bas dırektory, bıologııa ǵylymdarynyń doktory, QR Jaratylystaný ǵylymdary akademııasynyń akademıgi Kúnsulý Zakarııanyń otandyq vaktsınanyń múmkindigi týraly aıtqan málimetter ortaǵa salyp otyr.

«Mamannyń aıtýynsha, qazir elimizde 300 myńnan astam qazaqstandyq QazVac vaktsınasynyń 2 dozasyn alǵan. Ázirge birde-bir ólim oqıǵasy tirkelmegen. Bul otandyq vaktsınanyń senimdiligine kepildik beretinin rastaıdy», - dep jazylǵan shtabtyń aqparatynda.