300 myńǵa jýyq qazaqstandyq «Jumyspen qamtý jol kartasy - 2020» baǵdarlamasynyń qatysýshylary bolyp tabylady

ASTANA. 23 qazan. QazAqparat - Búgin QR Premer-Mınıstri Serik Ahmetovtiń tóraǵalyǵymen selektorlyq rejımde Úkimette ótken vedomstvoaralyq komıssııanyń otyrysynda «Jumyspen qamtý jol kartasy-2020» baǵdarlamasyn júzege asyrý máseleleri qaraldy.

Bul týraly Úkimet basshysynyń resmı saıtynan habarlandy.

Baǵdarlamanyń oryndalý barysy týraly Eńbek jáne halyqty áleýmettik qorǵaý mınıstri Tamara Dúısenova baıandady. Mınıstrdiń aıtýynsha, «Jumyspen qamtý jol kartasy-2020» baǵdarlamasyna 300 myńǵa jýyq adam qatysty. Deı turǵanymen, jumyssyzdardyń úlesi 64%, ózin ózi eńbekpen qamtyǵandardyń 29,5%, áleýmettik az qamtylǵandardyń úlesi 5,8%-dy qurap otyr. Baǵdarlamaǵa qatysýshylardyń jartysynan astamy 30 jasqa deıingi adamdar.
Parlament depýtattary qatysqan jıyndaǵy qaralǵan máseleni talqylaý barysynda, qaıta oqytylǵan azamattardy odan ári jumyspen qamtý, nátıjesiz ispen aınalysyp júrgen aýyl jastaryn eńbekke keńinen tartý, memlekettik qoldaý tetikterin jetildirý, sonymen birge halyq arasynda túsindirý jumystaryn jaqsartý máselelerine basa nazar aýdaryldy.

Otyrysta sondaı-aq «Jumyspen qamtý jol kartasy - 2020» baǵdarlamasyn oryndaý týraly Aqtóbe oblysynyń ákimi A.Muhambetovtiń, Qostanaı oblysynyń ákimi N.Sádýaqasovtyń, Pavlodar oblysynyń ákimi E.Arynnyń esepteri tyńdaldy.