300 myńǵa jýyq almatylyq revaktsınatsııadan ótti

ALMATY. QazAqparat – Almatyda bir táýlik ishinde 1 817 adam koronavırýsqa qarsy ekpe aldy. Onyń ishinde 1-komponentin 606 adam, 2-komponentin 1 211 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«Ótken jyldyń 1 aqpany men bıylǵy jyldyń 17 naýryzy aralyǵynda qalada 1 152 522 turǵyn vaktsınanyń birinshi komponentin, 1 117 332 adam ekinshi komponentin saldyrǵan. Onyń ishinde jasy 60-tan asqan adamdardyń sany 125 053», - delingen habarlamada.

Búgingi tańda Pfizer vaktsınasyn 59 961 adam saldyrdy. Onyń ishinde 3 402 júkti áıel, 13 142 bala emizetin ana jáne 43 288 jasóspirim bar. 288 095 qala turǵyny revaktsınatsııadan ótti.

«Búgingi tańda qalada medıtsına mekemelerinde 136 vaktsınatsııa pýnkti jumys isteıdi. 175 vaktsınatsııa brıgadasynda 555 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.