300 mıllıon eýronyń daýy: Alen Delonnyń uly ápkesin ósıetten shyǵarýdy talap etti

ASTANA. KAZINFORM — Alen Delonnyń kenje uly Alen-Faben Shveıtsarııa sotyna óziniń ápkesi Anýshkany muragerlik quqyǵynan aıyrýdy talap etti, dep habarlaıdy RTL.

Sot otyrysy 2026 jyldyń naýryz aıyna josparlanǵan.

Alen-Fabenniń aıtýynsha, onyń ákesi ınsýlttan keıin 2019 jyldan beri kognıtıvti quldyraýdy bastan ótkergen, onyń syrqatyn birneshe dáriger rastaǵan.

Akter 2022 jyly Anýshkanyń paıdasyna jańa ósıetke qol qoıyp, oǵan baqylaý paketin — Alain Delon brendin basqaratyn kompanııanyń 51% úlesin bergen kezde áreketke qabiletsiz bolǵan.  

Ol sotqa talap aryzyn Alen Delon qaıtys bolǵannan keıin bir jyl ótken soń bergen. Keshiktirý sebebi — medıtsınalyq qujattarǵa ýaqytynda qol jetkize almaǵan. Akterdiń uly qyrkúıek aıynda Anýshka men onyń týǵan aǵasy Entonıge sot oryndaýshysy arqyly 2022 jylǵy ósıettiń kúshin joıýdy talap etý nıeti týraly resmı túrde habarlaǵan. 

Muragerler arasyndaǵy daý 300 mıllıon eýroǵa jýyq. Akterdiń sońǵy ósıetine sáıkes, onyń avtorlyq quqyǵynan túsken tabys Anýshkaǵa túsedi.

Aıta keteıik, Frantsýz akteri Alen Delon byltyr tamyz aıynda ómirden ozdy.