300 qyzylordalyq baspanaly boldy
QYZYLORDA. QazAqparat - Búgin Qyzylordadaǵy «Astana» shaǵyn aýdanynda 300 páterlik 5 qabatty turǵyn úı paıdalanýǵa berildi. Oblys ákimi Qyrymbek Kósherbaev turǵyndardy kópten kútken qonys toılarymen quttyqtady. Bul týraly QazAqparat tilshisi habarlady.
- Oblysta turǵyn úı qurylysy qarqyndy júrgizilip jatyr. Bul - bizdiń basty jetistigimiz. Sońǵy úsh jylda oblysta qurylys 3,5 esege, Qyzylorda qalasynda 8 ese ósti. Búgingi kúnge deıin «Astana» shaǵyn aýdanynda kópqabatty 17 turǵyn úı salynsa, osy jyly 16 úı boı kóteredi,- dedi aımaq basshysy.
Esterińizge sala keteıik, «Astana» shaǵyn aýdanyndaǵy úılerdiń qurylysy «Óńirlerdi damytý-2020» baǵdarlamasy aıasynda júrgizilýde. 2015 jyly - 7, ótken jyldyń mamyr aıynda 5 úı paıdalanýǵa berildi.
