300 qazaqstandyq Shardjadan usha almaı jatyr
ASTANA. QazAqparat - Aýa raıynyń qolaısyzdyǵy saldarynan Shardja áýejaıynda Almatyǵa, Astanaǵa reısterdi keıinge qaldyrdy. Bul týraly QR IDM Týrızm ındýstrııasy departamentiniń dırektory Marat Iǵalıev málim etti, dep habarlady «QazAqparat» HAA.
«Aýa raıynyń nasharlaýyna baılanysty (tuman) Shardja qalasynyń áýejaıynda avıareısterdiń ushyrylymyn keıinge qaldyrýda. «Eır Arabııa» avıakompanııasynyń derekterine sáıkes búgin Shardjadan eki reıs ushýy qajet bolatyn: Almatyǵa (180 adam) jáne Astanaǵa (140 adam) reıster keıinge qaldyryldy», - dep jazdy Facebook-taǵy paraqshasyna Iǵalıev.
QR SІM konsýldyq qyzmet departamentiniń habarlamasyna sáıkes Shardja áýejaıynda Dýbaıdaǵy QR Konsýldyǵynyń qyzmetkerleri turaqty jumys júrgizýde. Dýbaıdaǵy QR Konsýldyǵy kezekshi dıplomatynyń telefony+9-71-433-97-151, +9-715-884-50-900. Týrızm ındýstrııasy departamenti Dýbaıdaǵy QR Konsýldyǵymen turaqty baılanysta, - dep atap ótti ol.
