300-ge jýyq memqyzmetshi zańnamany buzǵany úshin jaýapqa tartyldy
ASTANA. QazAqparat - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi jáne onyń aýmaqtyq bólimsheleri ulttyq ekonomıka, ádilet, ınvestıtsııalar jáne damý mınıstrlikteri jáne olardyń birqatar komıtetteriniń qyzmetterine taldaý júrgizdi.
Bul týraly primeminister.kz saıtynda habarlandy.
Tekserý barysynda zańnamanyń, sondaı-aq memlekettik qyzmet kórsetýlerdiń standarttary men reglamentter normalaryn júıeli túrde buzý anyqtaldy.
Eń keń taraǵany - qyzmet kórsetýshi tarapynan qosymsha qujattardy talap etýi, negizsiz bas tartýy, memlekettik kórsetiletin qyzmetterdiń merzimin sozý, múmkindigi shekteýli azamattarǵa ótinish pen qujattar toptamasyn ózdiginen tapsyrýǵa múmkindiktiń joqtyǵy, bıznes protsesterdiń sáıkessizdigi, shaǵymdardy qaraý merzimderiniń buzylýy, qyzmet alýshylardyń qujattary tolyq bolmaǵandyǵyna qaramastan memlekettik qyzmetti kórsetý jáne basqa buzýshylyqtar.
Anyqtalǵan buzýshylyqtardy joıý maqsatynda memlekettik organdar tarapynan tıisti is-sharalar josparlary ázirlendi.
Sonymen qatar, agenttik pen onyń aýmaqtyq bólimshelerine memlekettik kórsetiletin qyzmetter boıynsha 175 shaǵym túsken, olardyń negizinde jospardan tys 79 tekserý júrgizildi. Atalǵan jumystyń nátıjesinde 48 shaǵym ıeleriniń dálelderi rastalyp, 33 qyzmet alýshylardyń quqyqtary qalpyna keltirildi.
