30 jyldyń qorytyndysy: Qaraǵandy oblysy «jasyl» energetıka kóshbasshysy atandy
QARAǴANDY. QazAqparat - El táýelsizdiginiń tańynda kún energııasyn paıdalaný týraly tipti armandamaǵan edik. Al búgin Qaraǵandy oblysy «jasyl» energetıka kóshbasshylarynyń birine aınaldy, dep habarlaıdy QazAqparat Qaraǵandy oblysy ákimdiginiń baspasóz qyzmetine silteme jasap.
Alǵashqy mańyzdy qadam 2019 jyly jasaldy jáne eki jyl ishinde serpilis boldy.
«Jasyl» tehnologııalardy damytý jylnamasynda Saran shaǵyn qalasynyń tarıhy jazylǵan. 2019 jyldyń qańtarynda munda qýaty 100 megavatt bolatyn aımaqtaǵy alǵashqy kún elektr stantsııasy iske qosyldy. Bul respýblıkadaǵy ǵana emes, Ortalyq Azııadaǵy eń iri joba boldy. 164 gektar aýmaqta 307 myń volt panelder ornalasqan.
Sodan keıin EýroOdaq ınvestorlary jańa jobalarǵa qatysýǵa ýáde berdi. Yntymaqtastyq ta damyp keledi.
Búginde Qaraǵandy oblysynda jańartylatyn jáne balamaly energetıkanyń segiz qondyrǵysy jumys isteıdi. Bes kún elektr stantsııasy salyndy: bir-bireýden Saran, Jezqazǵan qalalary men Aqtoǵaı aýdanynda, ekeýi Shet aýdanynda. Abaı jáne Buqar Jyraý aýdandarynda qus fabrıkasy men mal sharýashylyǵy kesheni qaldyqtardan energııa óndirýge arnalǵan bıogaz qondyrǵylaryn iske qosty. Yntymaq sý qoımasynda qýaty 0,6 MVt shaǵyn KES jumys isteıdi.
Jobalardy iske asyrý oblysqa 102 mlrd teńgeden astam ınvestıtsııa tartty. «Jasyl» energetıkanyń jalpy qýaty 300 megavattan asty. JEK elektr energııasy esep aıyrysý-qarjy ortalyǵyna satylady, sodan keıin ony energııa óndirýshilerge satady.
2023 jylǵa deıin oblysta taǵy úsh kún elektr stantsııasyn jáne eki bıogaz qondyrǵysyn salý josparlanýda.
Qazaqstanda Memleket basshysy 2030 jylǵa qaraı balamaly energııa úlesin 30%-ǵa deıin jetkizý mindetin qoıdy.
