«30 jyldyqqa otyz aıaldama»: Balqashta taǵy bir ádebı aıaldama paıda boldy

BALQASh. QazAqparat – Balqashta qazaq ǵalymy jáne tarıhshysy Shoqan Ýálıhanovtyń qurmetine aıaldama salyndy.

Qalada Qazaqstan Respýblıkasynyń Táýelsizdik kúnine arnalǵan «30 jyldyqqa otyz aıaldama» aktsııasy jalǵasýda, dep habarlaıdy QazAqparat tilshisi.

Aıaldama pavılonyn bezendirý jobasy «Rýhanı jańǵyrý» baǵdarlamasy aıasynda júzege asyryldy.

Avtobýs aıaldamasynda qala turǵyndary aǵartýshy jáne shyǵystanýshy Shoqan Ýálıhanovtyń ómiri jáne shyǵarmashylyǵymen tanysa alady. Aqparattyq bannerlerde aqyn Abaı Qunanbaıdyń, professor Nıkolaı Veselovskııdiń, ǵalym Grıgorıı Potanınniń pikirleri usynylǵan.

Aıaldamany bezendirýge Balqash qalasynyń ardagerler keńesi demeýshilik kórsetti.

Búgingi tańda Balqashtaǵy qazaq halqynyń úzdik tulǵalarynyń fotosýretteri keltirilgen 12 aıaldama bezendirilgen. Ádebı pavılondar arasynda mýzykalyq pavılondar da bar. Mádenıet bólimi kompozıtor Maǵaýııa Hamzınniń qurmetine Lenın kóshesinde aıaldama turǵyzyldy. Sheber dombyrashynyń kúıleri munda kún saıyn saǵat 11:00-den 18:00-ge deıin úzilissiz estiledi. Sondaı-aq, balqashtyqtar Qurmanǵazy, Táttimbet, Nurǵısa Tilendıevtiń basqa da tanymal mýzykanttarynyń shyǵarmalaryn tyńdaı alady.

Jaqyn arada qoǵam qaıratkeri Ybyraı Altynsarınniń qurmetine aıaldama paıda bolady.