30 jyldyq yntymaqtastyq AQSh pen Qazaqstan qatynastaryna oń áser etti – Elshi
«Bıyl biz Qazaqstan men AQSh arasyndaǵy dıplomatııalyq qatynastardyń 30 jyldyǵyn atap ótemiz. Qazaqstannyń táýelsizdigin alǵash tanyǵan memleket retinde biz bul mereıtoıdy birge atap jatqanymyzdy maqtan tutamyz. Anyǵynda biz qarym-qatynasymyzdaǵy mańyzdy oqıǵalar týraly aqparatty áleýmettik jelide bólisip bastaǵanbyz jáne bir jyl boıy osy tarıhı sátterdi jarııalaýdy jalǵastyramyz», - dedi Ý. Mozer AQSh elshiligi
Sonymen birge elshi burynǵy Memlekettik hatshy Beıkerdiń fotosýretin kórsetti. Ol 1991 jyly 17 jeltoqsanda, ıaǵnı, táýelsizdik alǵan kúnniń ertesine Qazaqstanǵa kelgen.
«Bul resmı sapar bizdiń qarym-qatynasymyzdyń sol kezde qanshalyqty mańyzdy bolǵanyn aıqyn kórsetedi. Bizdiń «30 jyl birge» naýqanymyz tek ótkendi ǵana meńzemeı, bolashaqqa degen múmkindik retinde qarastyratynymyzdy da bildiredi. Otyz jyldyq yntymaqtastyq Amerıka Qurama Shtattary men Qazaqstan arasyndaǵy qatynastarǵa oń áser etti jáne baılanystarymyz burynǵydan da berik bola tústi. Prezıdent Baıden aıtqandaı, «Birge alǵa qaraımyz» jáne AQSh pen Qazaqstan arasyndaǵy dostyq pen seriktestik tek nyǵaıa túsetinine kámil senimdimin», - dedi AQSh elshisi.
