30 jyldan keıin jazyqsyz ekeni dáleldenip, túrmeden shyqty
ASTANA. QazAqparat- AQSh soty 30 jyl túrmede bolǵan eki amerıkalyqty bosatýǵa qaýly etti. Sebebi, DNK saraptamasy boıynsha, olardyń 1983 jyly Soltústik Karolınada 11 jasar qyzdy zorlap, óltirmegeni anyqtaldy, dep jazady BBC.
1983 jyly polıtsııa kámelettik jasqa tolmaǵan Genrı Makkolým men Leon Braýndy 11 jasar qyzdyń ólimine kúdikti retinde tutqyndaǵan. Polıtseıler aıqyn aıǵaq taba almasa da, keıinnen belgili bolǵandaı, olardy májbúrlep moıyndatqan.
Ekeýiniń de aqyl-esinde aýytqýshylyq bolǵan. Olardyń jazyqsyz sottalǵandyǵyn 30 jyldan keıin dáleldegen DNK saraptamasy qylmysty basqa adam jasaǵanyn da kórsetti. Ol adam da túrmede, biraq, basqa is boıynsha jazasyn ótep jatqan bolyp shyqty, dep jazady sheteldik BAQ.
