30 jyldaǵy nátıje: 90-shy jyldary Qaraǵandy mektepteri qandaı boldy
Maǵjan Jumabaev atyndaǵy gımnazııa – táýelsizdikpen qurdas. Ol Qazaqstannyń 100 úzdik mektebiniń qataryna kiredi. Ǵımarat 1991 jyly ashyldy jáne 30 jyldan beri elimizben birge ósip, ózgerip keledi. Mektep óziniń tabysty túlekterimen ataǵy shyqqan. Jyl saıyn olardyń 45% jýyǵy joǵary oqý oryndarynyń granttaryna ıe bolady.
«Bizdiń muǵalimder ár oqýshy úshin baryn salady jáne ata-analarmen tyǵyz jumys isteıdi. «Gımnazııa-otbasy-bala» qaǵıdaty boıynsha jumys isteı otyryp, pedagogter balalarda otbasylyq qundylyqtardy, kóshbasshylyq qasıetterdi jáne belsendi azamattyq ustanymdy tárbıeleıdi. Gımnazııada analar men ákeler mektebi jumys isteıdi, onda trenıngter, taqyryptyq keshter men jınalystar ótkiziledi. Osy tájirıbe negizinde «Men jastarǵa senemin» atty kóp serııaly fılm túsirý josparlanýda, onda basty rólderde ata-analar men balalar bolady», – dedi mekteptiń burynǵy túlegi, al qazirgi ata-ana Dosjan Ýakasov.
Gımnazııanyń vızıt kartochkasy – halyqaralyq baıqaýlardyń júldegeri «Sholpan» úlgili horeografııalyq ansambli.
Mereıtoı jyly gımnazııada murajaı, Táýelsizdik zaly jáne MAGJAN medıaortalyǵy ashylyp, Ulttyq ortalyq pen coworking ashý josparda. Gımnazııa oqýshylarynyń óz telestýdııasy, YouTube arnasy jáne jýrnaly bar.
Qaraǵandyda 101-lıtseı elimiz táýelsizdik alǵannan keıin bir jyl ótken soń ashyldy. Sol kezde ol jaratylystaný-matematıkalyq jáne mádenı-kommertsııalyq baǵyttaǵy «Aıan» shynaıy mektebi dep ataldy.
Lıtseı elimizde alǵashqylardyń biri bolyp 12 jyldyq oqytýdy engizý boıynsha eksperımentke qatysty. 2013 jyly 101-mektep Georgıı Rýdık basqarǵan «21 ǵasyr pedagogıkasy» respýblıkalyq jobasyna kirdi. Onyń tájirıbesi bilim berýdiń jańartylǵan mazmunyn engizý kezinde paıdaly boldy.
«2017 jyldan bastap mektepte robototehnıkamen, avıamodeldeýmen usynylǵan ınjenerlik-tehnıkalyq baǵyt belsendi damýda. 2 jyl ishinde «Bolashaq ınjenerleri» jobasyna qatysqan oqýshylar 3D-modeldeý, robototehnıka, baǵdarlamalaý jáne ınnovatsııalyq tehnologııalar boıynsha oblystyq, respýblıkalyq jáne tipti halyqaralyq konkýrstardyń júldegerleri boldy», – dedi mektep-lıtseı dırektorynyń orynbasary Elena Prıvalova.
Búgingi tańda 101-mektep E. A. Bóketov atyndaǵy QarÝ Fızıka-tehnıkalyq fakýltetimen tyǵyz baılanysta. Mektepte medıa ortalyq jáne murajaı jumys isteıdi. «Aıan» oqýshylarynyń ǵylymı qoǵamy pándik olımpıadalarǵa qatysatyndardy jáne jobalyq jumystarmen aınalysatyndardy biriktiredi.
Ótken jyly № 23 mektep óziniń 30 jyldyq mereıtoıyn atap ótti. Ol óz úıirmelerimen tanymal. Olardyń sany 32. Sondaı-aq 10 sport sektsııasy bolashaq chempıondardy tárbıeleıdi.
«Men ómir boıy osy mektepte jumys isteımin, onyń negizin qalaýǵa kómektestim, qurylysyna qatystym. Táýelsizdik jyldarynda bizdiń oqý ornymyz ózgerdi. Mektepte jabdyqtalǵan 44 oqý kabıneti jumys isteıdi. Bizde keremet kitaphana jáne oqý zaly bar. Jalpy qor 56 924 kitapty quraıdy», – deıdi dene shynyqtyrý pániniń muǵalimi, pedagog-zertteýshi jáne QR Bilim berý isiniń úzdigi Vladımır Aleksandrov.
23-mektep oqýshylary patrıottyq tárbıeni arnaıy jabdyqtalǵan «Jas sarbaz» synyptarynan alady. Mektepte tarıhı-ólketaný murajaıy bar, onda qazaq halqynyń mádenıeti men turmysynyń erekshelikterin kórsetetin myńnan astam eksponattar bar.
Oblystaǵy oqý oryndarynyń sany jyl saıyn artyp keledi. Jańa mektepter ǵana emes, qosymsha bilim berý uıymdary da paıda bolýda. Olardyń óńirdegi sany 51, onyń ishinde Qaraǵandyda jaqynda ashylǵan zamanaýı oqýshylar saraıy da bar.
