30 jyl buryn kitaptan ǵana oqıtyn operatsııalardy jasap júrmiz – pavlodarlyq dáriger

NUR-SULTAN. QazAqparat – Qazaqstan halqy Assambleıasynyń HІH sessııasynda Pavlodar oblystyq kardıologııa ortalyǵynyń bólimshe meńgerýshisi Inna Glovatskaıa elimizde osydan 30 jyl buryn kitaptan ǵana oqıtyn operatsııalar jasalyp jatqandyǵyn aıtty, dep habarlaıdy QazAqparat tilshisi.

«Qazir bizdiń densaýlyq saqtaý júıemizdi, jekelegen dárigerlerdiń qateligin ádil synap júr. Biraq, álemdegi birde-bir densaýlyq saqtaý júıesi mundaı aýqymdaǵy indetke daıyn bolmaǵandyǵyn anyq bilemiz. Sonymen qatar Qazaqstan bul jaǵdaıda ózin laıyqty deńgeıde kórsetip otyrǵandyǵyn da bilemin. Densaýlyq saqtaý júıesinde sonaý qıyn-qystaý 90-shy jyldardan jumys isteı bastadym. Jáne de densaýlyq saqtaý júıemizdegi ózgeristerdiń aýqymdy ekendigin aıta alamyn. Biz osydan 30 jyl buryn tek qana oqıtyn operatsııalardy jasap júrmiz», - dedi ol.

Sonymen qatar dáriger indet áli aıaqtalmaǵandyǵyn, dárigerler kúni-túni naýqastardy emdeýmen aınalysyp jatqandyǵyn basa aıtty. Osy oraıda QR Tuńǵysh Prezıdenti Nursultan Nazarbaevtyń, Memleket basshysy Qasym-Jomart Toqaevtyń, Qazaqstan halqy Assambleıasynyń tarapynan turaqty qoldaý bolǵandyǵyn atap ótti.

«Bizde senimdilik paıda boldy jáne Qasym-Jomart Kemeluly, búginde Siz koronavırýspen kúres, halyqty vaktsınatsııalaý máselesimen ózińiz ári tyńǵylyqty aınalysyp jatyrsyz. Elim óz vaktsınasyn ázirlegendigin maqtan tutamyn. Ondaı álemde ne bári 5 el ǵana bar. Osy rette otandastarymnan sizderdiń ómirlerińiz ben densaýlyqtaryńyzdy qutqarýǵa kómektesýlerińizdi, barlyq saqtyq is-sharalaryn oryndaýdy, vaktsına alýdy ótinemin», - dedi Inna Glovatskaıa.