30 jylda joldaǵy apattan 83 myńnan astam qazaqstandyq qaza tapty – depýtat
Búgin Májilistiń jalpy otyrysynda depýtat Naýryz Saılaýbaı júrgizýshi kýáligin beretin ortalyqtar qyzmetinde kemshilikter kóp ekenin aıtty, dep habarlaıdy Kazinform.
«Statıstıkalyq málimetterge súıensek, keıingi 30 jyl ishinde jol-kólik oqıǵalary saldarynan 83 myńnan astam qazaqstandyq qaza tapqan. Sońǵy úsh jylda Qazaqstan joldaryndaǵy jol-kólik oqıǵalarynyń jyl saıyn 6 paıyzǵa ósip otyrǵanyna kóz jetkizdik. Al mundaı apattardyń 87 paıyzǵa jýyǵy júrgizýshilerdiń kinásinen bolady. Oǵan júrgizýshilerdi daıarlaý deńgeıiniń tómendigi, qarapaıym jol qozǵalysy erejelerin bilmeý jáne júrgizýshi kýáligin alý oryndaryndaǵy sybaılas jemqorlyq sebep. Kólik júrgizýshilerine arnalǵan Mamandandyrylǵan halyqqa qyzmet kórsetý ortalyqtarynda sybaılas jemqorlyqqa kóp jol beriletini kópshilikke belgili. Baıqap qarasańyzdar, osy ortalyqtarda júrgizý kýáligin alýǵa kezekke turǵandardyń qatary kóbeıip jatyr. Bul jaǵdaıdy ortalyq qyzmetkerleri ádeıi qoldan jasap jatqan joq pa? Birneshe ret emtıhan tapsyra almaǵandar amal joqtan máseleni jeńil sheshýdiń joldaryn izdeıdi. Zańdy aınalyp ótýge tyrysady. Álbette munyń saldary sybaılas jemqorlyqqa alyp keledi. Kólik júrgizý kýáligin alý qıyndap ketkeni de halyq arasynda narazylyq týǵyzyp otyr», - dedi N.Saılaýbaı Úkimet basshysy Álıhan Smaıylovtyń atyna joldaǵan saýalynda.
Onyń paıymynsha, bıyl Іshki ister mınıstriniń 20 shildedegi buıryǵymen júrgizýshi kýálikterin berý qaǵıdalaryna ózgerister engizilgenimen, sybaılas jemqorlyq deregin azaıtý máselesi áli sheshim tappaǵan.
«Jańa ereje kerisinshe júrgizýshi kýáligin zańsyz satyp alýǵa ıtermelep jatqan joq pa? Máselen, qazan aıynda ǵana Kókshetaýda mamandandyrylǵan ortalyq qyzmetkerleri júrgizýshi kýáligin zańsyz bergeni týraly derek anyqtaldy. Shyǵys Qazaqstan oblysynda densaýlyǵyna baılanysty kólik quraldaryn júrgizýge tyıym salynǵan 6 adamnyń júrgizýshi kýáligin zańsyz alǵany anyqtaldy. Talapty kúsheıtip, emtıhan tapsyrýdy qıyndata túskenmen, bul júrgizýshi kýáliginiń satylýyna toqtam bolýdyń ornyna, áli de sol «barmaq basty, kóz qysty» «qyzmettiń» qymbattaýyna sebep bolyp otyr. ıAǵnı, kóleńkeli naryqty qyzdyryp otyr. El aýzynda júrgen áńgimege sensek, qazir Astanada júrgizýshi kýáliginiń baǵasy 280 myń teńgeniń aınalasynda. Osydan 4-5 jyl buryn 60-80 myń teńgeniń aralyǵynda bolǵan. Bul degenimiz «Kólik júrgizýshilerine arnalǵan mamandandyrylǵan halyqqa qyzmet kórsetý ortalyqtarynyń jaǵdaıdy retteýge qabiletiniń jetpeı jatqanyn kórsetpeı me?» degen suraq týyndaıdy. Olaı bolsa, nege osy máseleni sheshý úshin ózge kompanııalardy jumyldyrmasqa? Bálkim emtıhan tapsyrý jáne júrgizý kýáligin berý tetigin ózgertý kerek bolar? Nege osyǵan ashyq taldaý jasalmaıdy?», - dedi depýtat.
Osy rette ol teorııalyq emtıhandy, ıaǵnı test suraqtary men jaýaptarynyń sáıkestigin tekserip, al praktıkalyq emtıhannyń ádil júrgizilýin qadaǵalaýǵa alýdy surady. Sonymen qatar úmitker emtıhannyń sheshimimen kelispegen jaǵdaıda, appelıatsııalyq shaǵym berý nemese óz nusqasyn dáleldeýine múmkindik berý joldaryn qarastyrý kerek.
