30 jastaǵy jigit Astana vokzalyna bomba «qoıdy»
ASTANA. QazAqparat - Shyǵys Qazaqstan oblysynyń 30 jastaǵy turǵyny Astana qalasynyń vokzalyna bomba qoıylǵandyǵy týraly jalǵan aqparaty úshin qolǵa tústi.
Bul týraly elordalyq ishki ister departamentiniń baspasóz qyzmetinen habarlady.
«3 qazan kúni shamamen túski saǵat 14.00-de belgisiz er adam «102» nomerine habarlasyp, Astana vokzalyna bomba qoıylǵandyǵyn aıtty. Oqıǵa ornyna jedel áreket etý qyzmetteriniń barlyǵy attandy. Vokzal qyzmetkerleri men jolaýshylar túgeldeı qaýipsiz jerge kóshirildi. Temirjol vokzaly men avtovokzaldy tintý barysynda jarylǵysh zat tabylǵan joq»,-dep habarlady baspasóz qyzmetinen.
Jedel áreket etý qyzmeti izdeý sharalarynyń barysynda Shyǵys Qazaqstan oblysynyń 30 jastaǵy turǵynyn ustady.
Іshki ister departamentiniń habarlaýynsha, jyl basynan beri Astanada bomba jáne terrorızm týraly 8 jalǵan aqparat tirkelgen. Tártip saqshylary telefon «terrorısterin» tez qolǵa túsirip otyrǵan. Olardyń deni jalǵan aqparat taratý kezinde mas kúıinde bolǵany anyqtaldy.
