30 jastaǵy qostanaılyq órtenip jatqan úıden balalardy alyp shyqty
QOSTANAI. QazAqparat – Qostanaı oblysynda 30 jastaǵy er adam balalardy órtten aman alyp qaldy, dep habarlaıdy QazAqparat.
Oblystyq TJD baspasóz qyzmetiniń málimetine súıensek, oqıǵa 10 maýsym kúni saǵat 00:30 shamasynda Fedorov aýdanynyń Pervomaı aýylynda bolǵan.
«ıÝbıleınaıa kóshesindegi eki úıden órt shyqty. Órt 100 sharshy metr aýmaqty sharpydy. Páter shatyrlary men bólmearalyq jaqtaýlar qulady. Jalyn saldarynan páter ıesi men onyń 6 jasar ulyn kúıik shaldy. Sonymen qatar birneshe balany úıden alyp shyqqan 1990 jyly týǵan er adam jaraqat aldy.
Zardap shekkenderdiń barlyǵy aýdandyq ortalyq aýrýhanaǵa jatqyzyldy. Órt sebebi men materıaldyq shyǵyn anyqtalýda.
Qostanaı oblysynyń Tótenshe jaǵdaılar departamenti azamattardy turmystyq jaǵdaılarda órt qaýipsizdigi erejelerin saqtaýǵa shaqyrady.
