30 jastaǵy adam «jastar» sanatyna kirýi kerek pe?
ASTANA. QazAqparat - Jastar sanatyna 14 pen 30 jas aralyǵyndaǵylar kirýi tıis. M.H. Dýlatı atyndaǵy Taraz memlekettik ýnıversıtetiniń rektory Mahmetǵalı Sarybekov QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda osyndaı pikir aıtty.
«Qazirgi paıdalanyp júrgen zańda "jastar" uǵymynda 14-ten 29 jasqa deıingiler qamtylady. Men Bilim jáne ǵylym mınıstriniń orynbasary qyzmetin atqarǵan kezde, biz sheteldik tájirıbeni zerttep, tıisti saraptamalardan keıin zań jobasyna taǵy 1 jas qosqan edik. ıAǵnı, onda «jastar» sanaty 14-ten 30 jasqa deıingi aralyqty qamtıdy. Biraq, zań jobasy áli qabyldanǵan joq. Ol mınıstrlik tarapynan Parlament qaraýyna engizildi jáne osy turǵyda ártúrli oılar men pikirler aıtylady»,- dep toqtaldy rektor. «Meniń oıymsha, jastar uǵymy on tórt pen otyzǵa deıingi aralyqty qamtýy kerek. Sebebi, ol álemdik tájirıbege negizdelgen», - dep túıdi M. Sarybekov.
