30 jastaǵy qazaqstandyq Ońtústik Koreıada qaza tapty

ASTANA. KAZINFORM – Qazaqstandyq jumysshy Ońtústik Koreıada aǵyndy sýdy tazartý kezinde qaza tapty. Aldyn ala málimetter boıynsha, ony toq soqqan, dep habarlaıdy Yonhap News.

Jazataıym oqıǵa 2024 jyldyń 8 sáýirinde tústen keıin Chondjý qalasyndaǵy shyny zaýytynyń tazartý qondyrǵysynda boldy. Qazir jergilikti polıtsııa men Eńbek jáne jumyspen qamtý mınıstrligi tergeý júrgizýde. 

Aldyn ala málimetter boıynsha, 30 jastaǵy otandasymyzdy toq soqqan, keıin aýrýhanaǵa jetkizilip, sol jerde qaıtys boldy.

Elimizdiń Syrtqy ister mınıstrligi qazaqstandyqtyń Ońtústik Koreıadaǵy zaýytta qaıtys bolǵanyn rastady.

«Óndiriste qaza tapty, qazir týystarymen baılanysyp, qajetti qujattardy rásimdep jatyrmyz», – dedi SІM resmı ókili Aıbek Smadııarov.