30 tomdyq ǵylymı salalyq qazaqsha-oryssha, oryssha-qazaqsha termınologııalyq sózdikter toptamasy daıyndaldy
ASTANA. QazAqparat - Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tapsyrysy negizinde Pedagogıkalyq ǵylymdar akademııasy 2012-2014 jyldary ǵylym men tehnıkanyń, ekonomıka men mádenıettiń barlyq salalaryn qamtyǵan 30 tomdyq ǵylymı salalyq qazaqsha-oryssha, oryssha-qazaqsha termınologııalyq sózdikter toptamasyn daıyndady, dep habarlady «Egemen Qazaqstan» gazeti búgingi sanynda.
Sózdikterdi daıyndaýǵa 52 mekemede - joǵary oqý oryndarynda, ǵylymı-zertteý ınstıtýttarynda, akademııalarda, mınıstrlikter men Parlamentte, salalyq mekemelerde jumys isteıtin ǵalymdar men sala mamandary, jalpy 350-deı adam atsalysty.
Barlyq sózdikterdiń avtorlyq ujym quramynda A.Baıtursynov atyndaǵy Til bilimi ınstıtýtynyń ǵalymdary birge eńbek etti.
Sózdikter Termınkom májilisterinde muqııat talqylandy. Komıssııanyń 29 tamyzda ótken májilisinde sózdikterdi halyqtyń talqysyna túsirý, kóptiń sarabyna salý jóninde usynys aıtylyp, ol usynys mınıstrlik tarapynan da qoldaý tapty.
«Termınjasam isi - búkil halyqqa ortaq is. Termın jasaý sala mamandary men termınolog ǵalymdardyń isi bolǵanymen, oǵan jalpy jurtshylyqtyń da aralasqany durys. Sebebi - til halyqtiki, jalpy ortaq baılyq. Sondyqtan, sizderdiń usynys-pikirlerińizdi bilý, ártúrli nusqalardy qarastyrý úshin osy sózdikter Pedagogıkalyq ǵylymdar akademııasynyń saıtyna (www.apnk.kz ) ilindi.
Óz pikirlerińizdi 30 qyrkúıekke deıin myna elektrondyq adreske joldaýlaryńyzdy ótinemiz: apnkaz@mail.ru.
Jumys tıimdi bolý úshin usynys-pikirdi dálme-dál aıtqan jón. Elektrondy adreske joldanatyn pikirde sózdiktiń aty kórsetilýi, onan keıin - termınniń oryssha berilýi - qazaqsha berilýi - usynatyn nusqańyz - naqpa-naq jazylýy jón.
Sizderdi osy irgeli iske atsalysýǵa shaqyramyz!», - delingen Pedagogıkalyq ǵylvymdar akademııasynyń habarlamasynda.
