30 tamyzda Astanada Konstıtýtsııa kúnine arnalǵan merekelik sharalar ótedi
Atap aıtqanda, 30 tamyz kúni saǵat 11.00-de «Mıchýrıno» aýdanynda, sondaı-aq «Zarechnyı», «Ilınka» «Kóktal» turǵyndar mekenderinde merekelik kontsert jáne buqaralyq serýender uıymdastyrylady. Al «Kerýen» saýda oıyn-saýyq ortalyǵynda tirek-qımyl apparatynyń buzylystary bar adamdardyń qatysýymen flesh-mob ótedi. Al Astana qalasynyń ortalyq saıabaǵynda aýla klýbtary tárbıelenýshiler arasynda aýla klýbtarynyń festıvali ashylsa, Otan qorǵaýshylar alańynda «Meniń Qazaqstanym! Meniń Astanam!» atty balalar arasyndaǵy sýret baıqaýy bastaý almaq. Sporttyq sharalardan Q.Muńaıtpasov atyndaǵy ortalyq stadıonda saǵat 10.00-de «Dostyq» sportkombınaty» MKQK-niń Ashyq esik kúni (armrestlıng, kir tasyn kóterý) uıymdastyrylsa, «Tolqyn» sport kesheninde №3 BJSM-niń ákimshiligi, oqýshylary jáne jattyqtyrýshylary arasynda kross bolady. Sondaı-aq Ortalyq alańda merekelik kontsert ótkiziledi, dep habarlanǵan elorda ákimdiginiń resmı saıtynda.