30 tamyz kúni elordada avtobýstar júrmeıdi
NUR-SULTAN. QazAqparat - Aldaǵy jeksenbide elordanyń avtobýstary men avtoparkterinde dezınfektsııalyq jumystar júrgiziledi. Osyǵan oraı, qoǵamdyq kólik ýaqytsha toqtatylady, dep habarlaıdy QazAqparat.
«Jeksenbi, 30 tamyzda qoǵamdyq kólik qozǵalysy bir kúnge ýaqytsha toqtaıdy. Dúısenbi, ıaǵnı 31 tamyzdan bastap qalalyq jáne qala mańyna qatynaıtyn avtobýstar qalypty jumys isteıdi», - dep habarlady CTS.
Esterińizge sala keteıik, elordadaǵy avtobýstar búginnen bastap reısterge jańa keste boıynsha shyǵa bastady.
Qaladaǵy qoǵamdyq kólik endi 23:00-ge deıin jumys isteıdi.
Jolaýshylar sanıtarlyq-epıdemıologııalyq erejelerdi saqtaýy qajet. Salonǵa maskasyz kirýge tyıym salynady.
