30 tamyz. Kazinform kúntizbesi. Tulǵalar týǵan kún

ESІMDER

Merýert QAZBEKOVA, QR memleket jáne qoǵam qaıratkeri, «Qazaqstannyń kásipker áıelder odaǵy» Qoǵamdyq birlestiginiń tóraǵasy

1961 jyly Kókshetaý qalasynda týǵan. Almaty halyq sharýashylyǵy ınstıtýtyn, «Turan» ýnıversıtetin, RF Prezıdenti janyndaǵy Reseı memlekettik qyzmet akademııasyn bitirgen. Saıası ǵylymdardyń kandıdaty.

Eńbek joly: 1983-1985 jyldary Ońtústik Qazaqstan oblystyq memlekettik saqtandyrýda ınjener-ekonomıst bolyp jumys istegen. 1986-1989 jyldary Kókshetaý qalalyq atqarý komıtetinde ınjener-ekonomıst, ekonomıst, aǵa ekonomıst. 1991-1992 jyldary Kókshetaý qalasynda sharýashylyq eseptik-ekonomıkalyq top jetekshisi, 1992-2006 jyldary «Tilektes» JShS-niń dırektory, «AVZ - 007» JShS-niń qarjylyq dırektory, 2006-2008 jyldary «Qazaqstan temir joly» UK AQ Qarjy departamentiniń basqarma bastyǵy qyzmetin atqarǵan. 2008 jyldan bastap «Qazaqstannyń kásipker áıelder odaǵy» Qoǵamdyq birlestiginiń tóraıymy.

1998-2002 jyldary Іsker áıelder qaýymdastyǵynyń Aqmola oblystyq bólimshesiniń tóraıymy (qoǵamdyq negizde). 2000 jyly AQSh-ta taǵylymdamadan ótken. 2001 jyly AQSh-ta «SABIT» baǵdarlamasy boıynsha taǵylymdamadan ótken. 2002-2006 jyldary Áıelder kásipkerligin damytý ortalyǵynyń tóraıymy (qoǵamdyq negizde). 2012 jylǵy qańtardan bastap besinshi jáne 2016 jyldyń naýryz aıynan bastap altynshy saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy. 2002-2005 jyldary «Aqjol» QDP-nyń Aqmola oblystyq bólimshesiniń tóraıymy. 2012 jyldan QR Parlamenti Májilisindegi «Aq jol» QDP fraktsııasynyń múshesi. 2015-2021 jyldary altynshy saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy boldy.

«Qazaqstan Respýblıkasynyń Táýelsizdigine 10 jyl» medalimen marapattalǵan.

Qaısar SULTANBAEV, Jambyl oblysy polıtsııa departamentiniń bastyǵy

1968 jyly Jambyl oblysy, Jýaly aýdany, Kremenevka aýylynda týǵan. 1990 jyly KSRO Rıazan joǵary áskerı avtomobıl ınjenerlik Qyzyl Tý ordendi ýchılışesin bitirgen.

Eńbek joly: 1990 jyly KSRO ІІM Іshki áskerler basqarmasynyń motorlanǵan polk vzvodynyń komandıri, 1992 jyly QR Іshki ister mınıstrliginiń ishki áskerleri derbes brıgadasynyń avtobronetanktik qyzmetiniń bastyǵy, 1999-2014 jyldary Batys Qazaqstan, Jambyl, Qaraǵandy jáne Qostanaı oblystarynyń ІІD jol-patrýldik polıtsııa basqarmalarynyń bastyǵy, 2015-2017 jyldary QR ІІM Ortalyq apparatynyń avtokólik sharýashylyǵy bóliminiń bastyǵy, 2017-2022 jyldary QR Іshki ister mınıstrligi Tyl departamentiniń bastyǵy, 2022-2023 jyldary QR Іshki ister mınıstrligi Ákimshilik polıtsııa komıteti tóraǵasynyń mindetin atqarýshy, 2023-2025 jyldary QR ІІM Ákimshilik polıtsııa komıtetiniń tóraǵasy laýazymyne atqarǵan.

Qazirgi qyzmetin atqarýǵa 2025 jyldyń qazanynda kiristi.

Rızabek OJAROV, Qyzylorda oblysynyń prokýrory

1972 jyly Almaty oblysynda týǵan. Ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha jáne Ulttyq qaýipsizdik komıtetiniń ınstıtýtyn bitirgen.

Eńbek joly: 1996-2017 jyldary QR Ulttyq qaýipsizdik komıtetiniń Almaty qalasy jáne Almaty oblysy boıynsha departamentterinde, ortalyq apparatta departament bastyǵynyń orynbasary qyzmetinde eńbek etken. 2017-2018 jyldary QR Bas prokýratýranyń Arnaıy prokýrorlar qyzmeti bastyǵynyń orynbasary bolyp jumys istedi. 2019 jyly Almaty oblysy prokýrorynyń orynbasary laýazymyn atqarǵan. 2019-2024 jyldary QR Bas prokýratýrasynyń Cotqa deıingi tergep-tekserý qyzmetin basqardy.

Qazirgi qyzmetin 2024 jyldyń qańtarynan bastap atqaryp keledi.

«Jaýyngerlik erligi úshin» medalimen marapattalǵan.

Aıdyn RAEV, Qaraǵandy oblysy prokýrorynyń orynbasary

1980 jyly Almaty oblysynyń Kóksý aýdanynda týǵan. Qazaq quqyq jáne halyqaralyq qatynastar ınstıtýtyn bitirgen.

Eńbek joly. 2002-2008 jyldary áskerı prokýratýra organdarynda ártúrli laýazymdarda qyzmet etti. 2008-2019 jyldary Astana qalasy jáne Almaty oblysy prokýratýralarynda ártúrli laýazymdarda qyzmet atqardy, 2019-2024 jyldary Almaty oblysy Balqash aýdanynyń prokýrory, 2024-2026 jyldary Almaty oblysy Alataý qalasynyń prokýrory boldy.

Qazirgi qyzmetin 2026 jyldyń shildesinen beri atqaryp keledi.

Erbol MYRZABOSYNOV, Qazaqstan Respýblıkasynyń Týrızm jáne sport mınıstri

1984 jyly Semeı qalasynda týǵan. Semeı memlekettik pedagogıkalyq ınstıtýtyn «Dene shynyqtyrý jáne sport» mamandyǵy boıynsha, Qazaq gýmanıtarlyq-quqyqtyq ınnovatsııalyq ýnıversıtetin «Memlekettik jáne jergilikti basqarý» mamandyǵy boıynsha bitirgen. Qazaq sport jáne týrızm akademııasynyń PhD doktory.

Eńbek joly: 2005-2006 jyldary Semeı memlekettik pedagogıkalyq ınstıtýtynyń dene shynyqtyrý jáne sport teorııasy men ádistemesi kafedrasynyń jattyqtyrýshy-oqytýshysy, 2009-2013 jyldary Semeı memlekettik medıtsına ýnıversıtetiniń dene shynyqtyrý kafedrasynyń oqytýshysy, 2013-2014 jyldary Semeı memlekettik medıtsına ýnıversıtetiniń dene shynyqtyrý kafedrasynyń meńgerýshisi, 2018-2020 jyldary «Qyzyljar arlandary» sport klýbynyń dırektory, 2020-2021 jyldary «Qazaq kuresi» qaýymdastyǵynyń basqarýshy dırektory, 2021-2023 jyldary Astana qalasy Dene shynyqtyrý jáne buqaralyq sport akademııasynyń rektory, 2023-2024 jyldary QR Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy laýazymyn atqarǵan.

2024 jyldyń qyrkúıek aıynan bastap qazirgi qyzmetinde.

Jumabaı ShAıAHMETOV, keńestik partııa jáne memleket qaıratkeri

1902 jyly Omby oblysynyń Borısov aýdanynda týǵan. Narımanov atyndaǵy Máskeý Shyǵystaný ınstıtýtyn bitirgen (1933).

Eńbek joly: 1919-1921 jyldary muǵalim, 1921-1923 jyldary bolystyq atqarý komıtetiniń hatshysy qyzmetin atqardy. 1923-1926 jyldary qylmystyq izdestirý bóliminde jumys istegen. 1926-1928 jyldary «Qoşy» odaǵy Petropavl ýezdik komıtetiniń jaýapty hatshysy, 1928-1938 jyldary OGPÝ-NKVD organdaryndaǵy jedel jumysta qyzmet atqardy. 1938-1954 jyldary NKVD Soltústik Qazaqstan jáne Almaty oblystyq basqarmalary bastyǵynyń orynbasary; Úshinshi, ekinshi, Qazaqstan Kompartııasy Ortalyq Komıtetiniń birinshi hatshysy, 1950-1954 jyldary KSRO Joǵarǵy Keńesi Ulttar Keńesiniń tóraǵasy boldy.

Qazaqstan Kompartııasy Ortalyq Komıtetiniń aqpan (1954 j.) Plenýmynda tyń jerlerdi jappaı ıgerýdiń usynylǵan baǵdarlamasynyń aýqymymen kelispegeni úshin qyzmetinen shettetildi. 1954 jylǵy plenýmnan keıin jáne 1955 jylǵy mamyrǵa deıin Qazaqstan Kompartııasy Ońtústik Qazaqstan oblystyq komıtetiniń 1-hatshysy boldy. 1955 jyly qańtarda zeınetkerlikke shyqty.

Shaıahmetov 1966 jyly 17 qazanda Qazaq KSR Mınıstrler Keńesiniń aýrýhanasynda qaıtys boldy. Ol Almaty qalasynyń Ortalyq zıratynda jerlengen. Shymkent qalasyndaǵy kóshelerdiń birine onyń esimi berildi.